________________
અત્યારે આ દેરાસર, ઉપાશ્રયમાં પણ લખાયછે કે, અહીંયાંથી નોટબુક્સ તથા પાઠ્યપુસ્તકો આપવામાં આવશે. તમે આને સારું કામ, સત્કાર્ય માનો છો; પણ આ સત્કાર્યો નથી. અત્યારે ધર્મસ્થાનકોમાં ઘણી આવી વિકૃતિઓ આવી છે. દેરાસર અને ઉપાશ્રયોની શ્રદ્ધાને તોડનારી પ્રવૃત્તિને પ્રોત્સાહન અહીંયાંથી જ અપાય છે.
આ શિક્ષણમાં પાયામાંથી શું અપાય છે તે કદી વિચાર્યું છે? આત્મા નામની કોઇ વસ્તુ નથી, અને શરીરનું આખું તંત્ર કેમિકલ પ્રોસેસથી ચાલે છે. “લાઈફ ઈઝ અ બાયોકેમિકલ કમ્પાઉન્ડ.”(જીવન એ માત્ર રાસાયણિક સંયોજન છે.) આવું ભણીને તૈયાર થયેલાનું તમે સ્વાગત કરો અને બહુમાન આપો છો; પરંતુ આત્માને પાયામાંથી તોડે તેવી વાતોને આવું પ્રોત્સાહન કેમ અપાય?
તમે ડોક્ટર બનેલાને નાતમાં એવોર્ડ આપો છો. તેમને પૂછજો કે બ્રહ્મચર્ય માટે તમારો શું અભિપ્રાય છે? એક જૈન ડૉક્ટરે જવાબ આપેલો તે કહું છું
બનેલું એવું કે એક મોટી હોસ્પીટલમાં આ જૈન ડૉક્ટર કામ કરતા હતા. ત્યાં બાજુના સંઘે નક્કી કરેલું કે કોઈપણ સાધુ-સાધ્વી આવે તેમની આપણે સેવા કરવી. હવે જ્યારે કોઇપણ સાધુ-સાધ્વી માંદા થાય ત્યારે સારવાર માટે ભક્તિભાવથી અહીંયાં દાખલ કરે. આ સંઘમાં એક મુખ્ય ટ્રસ્ટી વકીલ હતા, જે બહુજ ધર્મિષ્ઠ હતા. તેમણે મને આવીને કહ્યું કે સાચી હકીકત કહું છું કે આ જૈન ડોક્ટરે મને એવું કહેલું કે, “આટલા સાધુ-સાધ્વી કેમ માંદા પડે છે? તેનું ખરું કારણ એ છે કે તેઓ Unnatural life(અકુદરતી જીવન) જીર્વે છે, માટે માંદા પડે છે.” વકીલ કહે, હું તો આ સાંભળીને હેબતાઈ ગયો. ત્યારે મેં કહ્યું કે, આમાં ડૉક્ટરનો વાંક નથી, પણ તેમને પાયામાંથી જ આવું ભણાવાય છે; માટે જ તેઓ આવું બોલે છે. અને તમે નાતમાં કોઈ ડૉક્ટર થાય તો અભિવાદન આપો છો, એવોર્ડ આપો છો. તે વખતે તમે વિચારતા નથી કે તમે કોનું અભિવાદન કરો છો. તમારે શાસ્ત્રવિરોધી વાતો આવે ત્યાં વિરોધ કરવાનો હોય, તેના ઠેકાણે તમે તાળીઓ પાડીને વધાવો છો. ત્યાં સંમતિ કે સમર્થન ના હોય કે પ્રોત્સાહન પણ ના હોય.
૧૫૩.સભા:- તેમાં દાન અપાય ખરું? ડૉક્ટર બીજાનો જીવ બચાવે છે.
સાહેબજી:-પ્રોત્સાહન અપાય નહિ કે વધાવાય નહિ, તો પછી દાન તો ક્યાંથી અપાય? તમે જે ખાઓ છો તે અનાજ ખેડૂતે પકવ્યું છે, તેનાથી તમને બળ મળે
પ્રોત્તરી (પ્રવચનો)
22
