________________
- બાઇબલમાં આવે છે, “God is love, love is god”. જયારે જૈનશાસનના ભગવાન એટલે વીતરાગ. જેનામાં પ્રેમ હોય તે ઈશ્વર કહેવાય? માટે જૈનશાસનનાં તત્ત્વોનો ખ્યાલ ન હોય તો ઊંચો વિવેક આવી શકતો નથી. માટે નરસિંહ મહેતા બોલે છે, “મારી દીકરીનાં લગ્ન પ્રભુ કરી આપે.” આવું જૈનેતર બોલે છે માટે આપણે કોઈ સંબંધ નથી, પણ જો જૈન પણ આવું બોલે તો તે ઘેલછા અને અવિવેકને સૂચવનારું છે. આપણા દેવ ૧૮ દોષોથી રહિત, આવા આવા ગુણોવાળા જે હોય તે અમારા દેવ. હવે ઊંઘ તે દોષ કહેવાય. માટે શું ઈશ્વર તત્ત્વને દુર્ગુણી બનાવવું છે? જેને દુનિયાની પડી નથી, ભક્તિની પડી નથી, ભક્તની પડી નથી તે ભગવાન કહેવાય, પરંતુ જેને પડી હોય તે ભગવાન કહેવાય? હા, પ્રભુનો અચિંત્ય પ્રભાવ છે, દુનિયામાં એવી કોઈ ચીજ નથી કે તેમના પ્રભાવથી ન મળી શકે, પણ એમને આપવામાં રસ નથી.
શબરીની ભક્તિને લોકો કેવી માને છે? પરંતુ તેની ભક્તિ પૂરેપૂરી અવિવેકવાળી હતી. “મારા ભગવાનને ખાટું બોર ન આવી જાય તેના માટે એંઠું કરીને આપતી. તમ સાધુને એંઠું કરીને વહોરાવો તો ચાલે ખરું? માટે બધે વિવેક જોઇશે..
તમારે પણ ખાલીવિવેક વગરની ગુરુભક્તિ કરે રાખવાની નથી. શાસ્ત્રમાં તો એટલે સુધી કહ્યું છે કે, ગુરુ પણ ખોટું કહે તો નહિ માનવું. માટે વિચારો, કેટલો વિવેક જોઈએ! જયારે તમે અત્યારે સાધુ પાસે શું અપેક્ષા રાખો છો? અને અત્યારે તમારાં એવાં કામ છે કે જેનાથી સાધુ આચારમાંથી ભ્રષ્ટ થાય છે.
૧૨૩ સભા:- ઘણા સાધુ સમજે છતાં પણ આવું કામ કરતા હોય છે.
સાહેબજી:- જો સાધુ આવું સમજીને કરે તો તે પણ મહાભયંકર છે. પરંતુ તમે એટલા હોશિયાર છો કે કોણીએ ગોળ લગાડીને કામ કઢાવો છો. કહેશો ૨૫ ટકા શાસનમાં વાપરીશ અને આ વાતમાં ઘણા ન સમજનારા સાધુ ભોળવાઈ જતા હોય છે.
૧૨૪.સભા:- પણ સાહેબજી! સોએ સો ટકા ધર્મમાં વાપરે તો?
સાહેબજી - આવું કહેનાર માણસને હું પૂછું કે તું વિરતિની ભૂમિકામાં છે કે
અવિરતિની? જો કહે કે વિરતિની ભૂમિકામાં છું, તો કહીશ કે કાદવમાં હાથ - નાંખીને ચોખ્ખા થવાની જરૂર નથી. પરંતુ અવિરતિની ભૂમિકામાં છે, તો હું તેને પનોત્તરી (પ્રવચનો)
