________________
મૂળભૂત ધ્વનિ બારાખડી ભારતીય ભાષામાં જ છે. આ તમારી ઇંગ્લીશ ભાષામાં મૂળ ખામી ક્યાં છે? તેના બધા આલ્ફાબેટો સાયન્ટીફીક (અક્ષરો વૈજ્ઞાનિક) નથી. કારણ કે અંગ્રેજી બારાખડીમાં ધ્વનિના કેટલાક મૂળભૂત સ્રોતો અને તેનાં સંયોજનો રદબાતલ થઇ જાય છે. આપણે ‘પ’ ઓલ્ક્ય છે, એટલે જેમાં હોઠ વગર ઉચ્ચાર ન થાય. તેમ ‘ત’ દંત્ય છે, એટલે દાંતથી ઉચ્ચાર થાય. આવું બધું વિશ્લેષણ ઇંગ્લીશ ભાષામાં મળશે ખરું? તેમાં ધ્વનિનું પાયામાંથી પૃથક્કરણ નથી કર્યું. સંસ્કૃત ભાષામાં મૂળ સ્રોતરૂપ ધ્વનિનું પૃથક્કરણ કરેલ છે. જો તે શબ્દોનું ધ્યાન કરતાં આવડે તો ધ્વનિના સર્વ પર્યાયોનું તેનાથી જ્ઞાન થઇ જાય. આ બધી મંત્રશાસ્ત્રની વાતો છે, જે તર્કબદ્ધ છે. પરંતુ તમે અત્યારે વિદેશી ભાષાથી જ અંજાઇ ગયા છો.
૯૩. સભા ઃ- બ્રાહ્મી લિપી કેમ કહેવાય છે?
સાહેબજી :- બ્રાહ્મી-સુંદરીને આ લિપી પહેલી શીખવી છે, માટે બ્રાહ્મી લિપી કહેવાય છે. આ બતાવનાર ઋષભદેવ પ્રભુ છે. પહેલ વહેલાં બ્રાહ્મી-સુંદરી તે ભણ્યાં છે, માટે બ્રાહ્મી લિપી કહે છે. ધ્વનિનું પૃથક્કરણ સંસ્કૃત બારાખડીમાં છે, તેટલું ક્યાંય નથી.
૯૪. સભા ઃ- તમને સાહેબજી! આટલું જ્ઞાન છે, માટે તમે માતૃકાનું ધ્યાન કર્યું જ હશે?
સાહેબજી ઃ- તેમાં અમને દેવ-ગુરુ-ધર્મની કૃપા છે. પૂ. આ. શ્રીહેમચંદ્રસૂરિએ આટલા ઉપાય બતાવ્યા છે, આવો મહિમા ગાયો છે, તો પ્રસંગે કરીએ પણ ખરા. પરંતુ તેમાં ચોક્કસ દેવ-ગુરુ-ધર્મની કૃપા છે. આ શાસ્ત્રો અમને ન મળ્યાં હોત તો અમે રખડતા હોત. આ શાસ્ત્રો મળવાથી અમારી બુદ્ધિનો સોએ સો ટકા સદુપયોગ થાય છે.
--
૯૫. સભા ઃ- મહાવિદેહમાં સંસ્કૃત ભાષા છે? સાહેબજી :- સંસ્કૃત, પ્રાકૃત બંને છે.
૯૬. સભા ઃ- પશુ-પંખીને ભાષા હોય છે?
સાહેબજી :- પશુ-પંખીને ભાષા હોય છે, પરંતુ મનુષ્યો જેવી વિકસિત નથી પ્રશ્નોત્તરી (પ્રવચનો)
૫૫
