________________
ગોડાઉન છલકાય છે. પરંતુ ગરીબી છે, તેમાં કારણ તો ખરીદશક્તિનો પ્રશ્ન છે. વસ્તી વધારાનો હાઉ ઊભો કર્યો છે, તે કૃત્રિમ છે. વચ્ચે ટાઇમ્સમાં લખ્યું હતું કે ૯૦ કરોડની વસ્તી ડબલ થઈ જાય તો પણ આ દેશની જમીન એટલી ફળદ્રુપ છે કે બધું જ પૂરું પાડે. આ લખનાર સારો ઈકોનોમીસ્ટ હતો.
વસ્તી કંટ્રોલ કરવાના નામથી બ્રહ્મચર્ય શીખવવું છે કે અનાચાર શીખવવો છે? બે બસના નામથી ધાર્મિક, સામાજિક, આર્થિક દૃષ્ટિએ નુકસાન છે. આમાંથી ધીમે ધીમે ઉચ્ચકુળની સંખ્યા ઘટશે. તમારા જૈનોના ઘરમાં ૯૫ ટકા આ ચાલે છે. જતે દિવસે અક્કલ વગરના અવિવેકી લોકોનો આ દેશમાં રાફડો વધશે. આનાથી રાષ્ટ્રને પણ નુકસાન છે. આ બધાનો ખ્યાલ કર્યા વગર અપનાવવાનું ચાલુ કર્યું છે. જૈનોમાં ૯૫ ટકાએ અપનાવ્યું છે, તેથી શાસનને ઘણું નુકસાન છે. એક વૃદ્ધ સાધ્વીજી મને કહે કે “સાહેબ! અત્યારે દીક્ષા થોડી થાય છે તેથી સંતોષ માનો, ભવિષ્યમાં તો દીક્ષાની શક્યતાઓ ઘણી ઓછી છે. કારણકે જૈનોમાં આ “બે બસનું તૂત ચાલી રહ્યું છે, તેમાં બેમાંથી એક છોકરી, એક છોકરો હોય. તેમાં પોતે ધર્મી હશે તો પણ એક છોકરો, એક છોકરી હોવાના કારણે શાસનને કેટલા આપશે?” હકીકતમાં સાધ્વીજીની આ વાત સાચી છે. શાસ્ત્રમાં નિયમ છે કે, ઉત્તમજીવ મનુષ્યભવ પામતો હોય તો તેને અટકાવવાનો અધિકાર શું? તમે બધા ગણિત ભૂલીને સામાજિક ક્ષેત્રે જે લાઇફ સ્ટાઇલ અપનાવી રહ્યા છો, તેમાં આર્યપરંપરાના સંસ્કારમાં તમને ગોઠવી રાખવા તે મુશ્કેલ વાત છે. | અમારો આ વિષય મુખ્ય નથી, વિસ્તૃત ચર્ચા પણ નથી કરતા, પણ પૂછ્યું માટે કહ્યું છે. આધ્યાત્મિક કહેવાનું ન રહી જાય માટે તેના પર વાત કરું. છું. પરંતુ તમે સાંસારિક જીવનમાં ભૂલો છો માટે લાલબત્તી તરીકે કહીએ છીએ. જીવનમાં ઇન્દ્રિયોના ભોગ-પ્રમોદમાં અંકુશ નથી જોઈતો, અને તેના દ્વારા આવતી જવાબદારીઓ જોઇતી નથી, તેને પોષવાઆતૂત કાઢ્યું છે. અત્યારે તો ફોરેનમાં ઘણા લગ્ન કરવા જ માંગતા નથી, લગ્ન કરે તો બાળક નથી જોઈતું. કહે છે કે લગ્ન તો મોજમઝા માટે છે.
સહુથી પહેલાં તો બ્રહ્મચર્ય પાળવાનું છે, પણ કદાચ ભોગ સેવે તો પોતાની ખામી, નબળાઈ સમજીને સેવે. પરંતુ તે દ્વારા ખાનદાન સંતતિ પ્રાપ્ત થાય અને આર્યપરંપરાનો વારસો જળવાય તેને ગુણ કહેવાય. આર્યધર્મ, આર્યકુળોની આ વાત છે.
પ્રશ્નોત્તરી (પ્રવચનો)
