________________
૫૮
મગજ અને જ્ઞાનતંતુના રોગો ડાયાબિટીસ જેવું બ્લડપ્રેશરનું છે તેવું જ ડાયાબિટીસનું છે. બન્ને એક બીજાનાં ભાઈ જેવા છે. ડાયાબિટીસ પણ મહાભયંકર રોગ છે. છુપાઈને પ્રવેશી ઘણી ખાનાખરાબી કરતો આ રોગ છે. આ રોગ હોય તો તેનો સ્વીકાર કરી યોગ્ય સારવાર દ્વારા તેનું સંપૂર્ણ નિયમન અતિ જરૂરી છે. વખતોવખત બ્લડશુગર તપાસતાં રહેવું જોઈએ, જેથી બ્લડશુગરના પ્રમાણનો ખ્યાલ આવે. ડાયાબિટીસના તથા બી.પી.ના દર્દીએ દવાઓની સાથે જીવનશૈલી તથા આહારમાં પણ ખૂબ કાળજી રાખવી જરૂરી છે. ખોરાક : લકવો આવતો અટકાવવા ખાસ તો ખોરાકમાં ચરબીનું પ્રમાણ ખૂબ ઘટાડી (૨૦%) દેવું અતિ મહત્ત્વનું છે. ઘી, માખણ, તળેલી ચીજો-ફરસાણ, આઈસક્રીમ ઓછાં કરી દેવાં. ભારતભરમાં અને તેમાંય ગુજરાતીઓમાં તો આઈસક્રીમ ખાવાનું પ્રમાણ ખૂબ વધારે છે. તેને બદલે, ખોરાકમાં સલાડ, ફળો-શાકભાજી વધારી દેવાં લાભકારક છે. નિયમિત કસરત: દરરોજ ૩૦ મિનિટ ચાલવાથી ચોક્કસ ફાયદો થઈ શકે. વજન ઘટાડવું હોય તો ૬૦ મિનિટ કે તેનાથી વધારે ચાલવું જોઈએ. યોગાસનો તથા શરીરને અનુરૂપ અન્ય કસરત પણ નિયમિત કરી શકાય. અઠવાડિયામાં પાંચ દિવસ તો કસરત થવી જ જોઈએ. ચિંતાયુક્ત તેમ જ સંઘર્ષપૂર્ણ જીવનશૈલીમાં સુધારો કરી આનંદિત જીવન જીવવું. ઈર્ષા, દ્વેષ તો નકારાત્મક અભિગમ દૂર કરી “સર્વમિત્ર' બનવું જોઈએ, જે સાચે જ સુંદર પરિણામ આપશે અને લકવો તથા હૃદયરોગ દૂર રહેશે. સ્ત્રીઓએ, ખાસ કરીને, કે જેમને આ રોગનાં જોખમી પરિબળો હોય તેમણે ગર્ભનિરોધક ગોળીનો ઉપયોગ લઘુતમ કરી, ગર્ભનિરોધન માટે બીજી પદ્ધતિઓ અપનાવવી જોઈએ.
Jain Education International
For Private & Personal Use Only
www.jainelibrary.org
