________________
૨૦૮
મગજ અને જ્ઞાનતંતુના રોગો આ રોગની કોઈ સચોટ સારવાર નથી. અનેક જાતની દવાનાં સંશોધનો પછી હાલમાં એક દવા જેને રાઈટ્યૂઝોલ કહે છે તે પ્રચલિત બની છે. તેનો આશરે ૬થી ૧૨ માસનો સારવારનો કોર્સ હોય છે. તેનો ખર્ચ રૂ. ૨૦થી ૩૦ હજાર આવે છે પરંતુ તેનાથી રોગ ફક્ત ૩થી ૬ માસ માટે ધીમો પડી શકે. તેનાથી ફક્ત વેદના લંબાય છે અને સામાન્ય અનુભવ પ્રમાણે તેનું કોઈ ખાસ જાદુઈ યોગદાન નથી છતાં અમુક, યોગ્ય કેસમાં તે આપી શકાય. બીજી દવાઓમાં રાસાજિલિન, માઈનોસાયક્લિન પણ પ્રયોગમાં છે. ૨૦૦૮ના નવા સંશોધનો મુજબ લિથિયમ દવાથી આ રોગમાં સારાં પરિણામો મળ્યાં છે. ખોરાક ગળવો, બોલવાની પ્રક્રિયા વગેરેને અસર થાય તો તેની પણ ટ્રેનિંગ અમુક હદ સુધી કામ લાગે. પછી ખોરાક ગળવા રાઇલ્સ ટ્યૂબ અથવા વધુ સારી રીતે ગેસ્ટ્રોસ્ટોમી ફીડિંગ કરી શકાય, જેમાં ચામડીની નીચે ટનલ બનાવી, હોજરીમાં ટ્યૂબ ઉતારી પોષણ પૂરું પાડવામાં આવે છે. રોગની અંતિમ સ્થિતિમાં જયારે ઇમોશનલ લેબિલિટી (અસંતુલિત, અસ્થિર લાગણીશીલતા), ડિપ્રેશન, અનૈચ્છિક હસવું – રડવું વગેરે થાય ત્યારે તેને લગતી મેડિકલ સારવાર પણ કરવી જોઈએ. શ્વાસના સ્નાયુની કસરતો શરૂઆતથી જ ચાલુ કરી દેવી જોઈએ. ક્વચિત્ છેવટે વેન્ટિલેટર મશીનથી શ્વાસમાં મદદ કરી દર્દીનું આયુષ્ય થોડું લંબાવી શકાય. નર્સિગ સારવાર, સગાંવહાલાંનો સ્નેહ, ડૉક્ટરનો ઉષ્માભર્યો અભિગમ વગેરે આ દર્દીઓની પીડામાં એક સુંદર ટેકાની ગરજ સારે છે, જે આ કષ્ટદાયક, અસાધ્ય રોગમાં દર્દીની બાકીની જિંદગીમાં દુઃખોને સહન કરવાની તાકાત આપે છે.
Jain Education International
For Private & Personal Use Only
www.jainelibrary.org
