________________
લકવો (પેરેલિસિસ) - Stroke
૬૧
L
આપણે આગળ જોયું તેમ જે જોખમી પરિબળો લકવો કરે છે તે જ પરિબળો હૃદયરોગ પણ કરે છે. હૃદયરોગ તો લકવા કરતાં પણ વધારે ફેલાયેલ છે. તેથી જ લકવાના દર્દીઓમાં હૃદયના રોગની તપાસનું અતિ મહત્ત્વ છે જેથી હૃદયરોગ અટકાવી શકાય. બીજી રીતે જોતાં, લકવાના દર્દીઓનું મૃત્યુ લકવાથી થાય છે તે કરતાં વધારે પ્રમાણમાં હૃદયરોગથી થાય છે તેવું વૈજ્ઞાનિક તારણ છે.
શ્રેષ્ઠ હોસ્પિટલોમાં સીટી એન્જિઓગ્રાફી તથા સીટી પરફયુઝન સ્કેનની મદદથી મિનિટોમાં સંપૂર્ણ નિદાન થઈ શકે છે.
નાની ઉંમરના લકવાના દરદીઓને બ્લડપ્રેશર કે ડાયાબિટીસ તો નથી ને ! તેની પૂરી ખાતરી કરીને કેટલીક વિશિષ્ટ તપાસ કરાવવી જોઈએ, જે નિષ્ણાત ડૉક્ટરો સૂચવતા હોય છે. આ તપાસમાં એન્ટિકાર્ડીઓલીપીન ટેસ્ટ, હોમોસિસ્ટીન ટેસ્ટ તથા અમુક કેસમાં કૉલેજન રોગના ટેસ્ટ વગેરેનો સમાવેશ થાય છે.
લોહીની નળીઓમાં કેટલી ખરાબી છે તે જાણવા માટે કેરોટિડ-વર્ટિબલ ડોપ્લર તથા એમ.આર.ઍન્જીઓગ્રાફી (ક્યારેક ડી.એસ.એ. કે સી.ટી. ઍન્જીઓગ્રાફી) કરવામાં આવે છે. કયા દરદીને કઈ તપાસ કરાવવી તે તો ડૉક્ટર જ નક્કી કરી શકે.
• લકવાની સારવારની વિસ્તૃત માહિતી :
લકવાની અસર કે ચિહ્નો દેખાયા પછી તરત જ યોગ્ય હૉસ્પિટલમાં નિષ્ણાત ફિઝિશિયન અથવા ન્યુરૉલૉજિસ્ટના માર્ગદર્શન હેઠળ સારવાર શરૂ કરવી જોઈએ. વિલંબનાં ફળ માઠાં હોય છે.
શક્ય હોય તો હૉસ્પિટલમાં દાખલ કરાવવા લઈ જતી વખતે જ્યાં સગવડ હોય તેવાં શહેરોમાં દર્દીને સી.ટી. સ્કેન કરાવીને લઈ જેવું વધુ હિતાવહ છે. દર્દી વધુ ગંભીર હોય તો તેને તાત્કાલિક 1.C.U, કે સઘન સારવાર કેન્દ્રમાં લઈ જવો જોઈએ.
Jain Education International
For Private & Personal Use Only
www.jainelibrary.org
