________________
મગજના ચેપી રોગો : મેનિન્જાઈટિસ, એન્સેફેલાઈટિસ
૧૫૧
આ ઉપરાંત જરૂર મુજબ CSF Lactate, CSF CRP, Latex Particle agglutination, સિરોલૉજિકલ ટેસ્ટ ફૉર સિફિલિસ, વાઇરસ આઇસોલેશન ટેસ્ટ, ઈમ્યૂનોએસે, ફન્ગસ માટેના ટેસ્ટ અને ટી.બી. માટેના PCR ટેસ્ટ પણ સાથે સાથે કરવામાં આવે છે. આમ બધી રીતે આ પાયોજનિક મૅનિન્જાઇટિસ જ છે તેની ખાતરી કરવામાં આવે છે અને કયા જંતુઓ છે તે નક્કી કરી તે મુજબ દવાઓ ચાલુ કરવામાં આવે છે.
દવાઓ
જરૂર પડ્યે આ દવાઓમાંથી એક કે તેથી વધુ દવા જેવી કે સિર્ફલોસ્પોરિન, પેનિસિલીન, વેન્કોમાઈસિન, લાઈનેઝોલિડ, મેરોપેનમ, ઈમિપેનમ, પિપરાસિલિન, ટાઝોબેક્ટમ, જેન્ટામાઇસિન, કેલોરામ્યુંનિકોલ અને મેટ્રોનિર્ડઝોલ વાપરવામાં આવે છે. આ બધી ઉત્તમ અને સફળ પરિણામલક્ષી દવાઓ છે અને ત્વરિત રીતે, યોગ્ય માત્રામાં, યોગ્ય સંયોજનવાળી દવાઓ વાપરવાથી ૮૦થી ૮૫ ટકા કેસ સારા થઈ જતા હોય છે. સામાન્ય રીતે આ દવાઓ ૧૦થી ૧૪ દિવસ એકસરખી રીતે વાપરવામાં આવે છે અને કલ્ચરના રિપોર્ટ મુજબ જરૂર પડ્યે વચ્ચે ફેરફાર કરવામાં આવે છે અને છેવટે બીજી વાર કમરનાં પાણી(CSF)ની તપાસ કરીને ખાતરી કરવામાં આવે છે કે જંતુઓ નાશ પામ્યાં છે અને આ પાણી હવે પર બતાવતું નથી, તે પછી જ દવા બંધ કરવી જોઈએ. જો મગજની અંદર થોડો પણ ચેપ રહી ગયો હોય અને દવા બંધ કરવામાં આવે તો શક્ય છે કે રોગ ટૂંક સમયમાં ફરીથી ઊથલો મારે અને તે વખતે કદાચ આ દવા ધારી અસર ન પણ કરે જેને ડ્રગ રેઝિસ્ટન્સ કહે છે.
મગજમાં સોજો વધારે હોય, એક બાજુ ખેંચ કે લકવાની અસર હોય (ફોકલ સિમ્પટમ – સ્થાનિક નુકસાનસૂચક લક્ષણ-લક્ષણો) તો અવશ્ય ત્વરિત સી.ટી. સ્કેન કરાવી લેવું જોઈએ. કદાચ પુરુની ગાંઠ હોય. આવા કેસમાં ઘણી વાર કમરનું પાણી ન કાઢતાં યોગ્ય દવાઓ શરૂ કરવામાં આવે છે અને જરૂર પડ્યે સક્ષમ ન્યુરૉસર્જન દ્વારા ગાંઠમાંથી પરુ ખેંચી કાઢવામાં આવે અથવા ઑપરેશન કરવામાં આવે છે, જેનાથી દર્દીની જિંદગી બચી શકે.
Jain Education International
For Private & Personal Use Only
www.jainelibrary.org
