________________
શરીર સાથેનું તાદાત્મ્ય તોડવા માટેનો આ મઝાનો ઉપાયઃ દ્રષ્ટાભાવ. સાક્ષીભાવ. તમે માત્ર જોનાર છો.
સાધુ સ્વાધ્યાય, વેયાવચ્ચ આદિમાં સતત ઓતપ્રોત રહે છે અને છતાં તેઓ થાકતા નથી. શું કારણ ? કારણ છે સાક્ષીભાવ. કારણ છે સમર્પિતતા. હું વેયાવચ્ચ કરું છું આ ભાવ હોત તો થાક લાગત.
કર્તૃત્વ છે બોજિલ ઘટના. સાક્ષીભાવ છે બોજવિહીન ઘટના. કર્તૃત્વમાં અપેક્ષાઓ છે. સાક્ષીભાવમાં નિરપેક્ષ દશા છે.
તમે કશુંક કર્યું. હવે અપેક્ષા રહેશે કે બીજાઓ એને સારું કહે. કો’કે એ કાર્યને સારું કહ્યું, તો તમારી ભીતર ગમાનાં આંદોલન પ્રસરશે. કો'ક તેને બરોબર નહિ કહે તો અણગમાનાં આંદોલનો ફેલાશે.
ગુરુ નિરપેક્ષતાની ધારા પર સાધકને દોડાવવા માંગે છે. સાક્ષીભાવની ધારા પર. રાજા ભર્તૃહિર ગુરુ પાસે આવ્યા. વિનતિ કરી ઃ મને સંન્યાસ આપો !
ગુરુ કહે છે : ઉકરડા પર પડેલ ચીંથરાની લંગોટી બનાવી નગરમાં ભિક્ષાએ જઈ આવ. પછી હું જોઉં.
લંગોટી પણ વ્યવસ્થિત કાપડની નહિ. ચીંથરાની. નગરમાં ફરવાનું. લોકો શું કહેશે તે વિચારવાનું નહિ.
લોકો જોઈને હસે તોય પ્રતિભાવ-વિહોણા રહેવાનું.
સમાધિ શતક
| ૨૦
