________________
લોકોને ખ્યાલ આવતાં તેમના ઉતારે લોકોની ભીડ જામતી. પેલા કથાકાર પણ સંતનાં દર્શનાર્થે આવે છે. જુએ છે કે સંત તો અવધૂતની જેમ મૌન બેઠા છે. ભાવિકો એમની આગળ ભેટ ધરી રહ્યા હતા. કથાકારે જોયું કે પોતાની કથામાં આવી પોથી પર કશું ન મૂકનાર ભક્તો સંતનાં ચરણમાં સોના-ચાંદીના સિક્કા મૂકી રહ્યા હતા.
બધા ગયા પછી કથાકારે સંતને પૂછ્યું : આ જ ભક્તો... મારી કથામાં પૈસો પણ ન મૂકનારા, અહીં ઢગલો કરી જાય છે. કારણ શું ?
સંતે કહ્યું : પહેલાં તો આ બધું પડ્યું છે તે તમે લઈ લો. કારણ કે મારે એની જરૂરિયાત નથી. કથાકારે બધું લઈ લીધું. પછી કહ્યું : પણ મેં પૂછ્યું એનો જવાબ તો આપો !
સંત કહે : આપણા મનમાં જે હોય તે સામાના મનમાં ઊગે. મારા મનમાં અપરિગ્રહ છે. તેથી લોકોના મનમાં અપરિગ્રહની, આપવાની ભાવના થઈ. હવે તમારે જ વિચારવું જોઈએ કે કારણ શું છે ?
કથાકારને ખ્યાલ આવી ગયો કે પોતાની બીજા પાસેથી લેવાની વૃત્તિનું જ એ પરિણમન હતું કે, તેમને આપવાનો ભાવ થતો નહોતો.
:
પરિગ્રહ. ‘જ્ઞાનસાર’ યાદ આવે : ‘વિડન્વિતઞાતય:'... પરિગ્રહ નામનો ગ્રહ ત્રણે જગતના લોકોને નડે છે. દેવોને પણ, મનુષ્યોને પણ, વ્યન્તરાદિને પણ. અપરિગ્રહી મહાત્માઓ જ તેની અસરમાંથી મુક્ત રહી શકે.
પરિગ્રહ. નવે ગ્રહોને ટક્કર મારે તેવો ગ્રહ. એક ભાઈ જોષી પાસે ગયા. જોષીએ કહ્યું : તમને મંગળ નડે છે. પેલા ભાઈ કહે : એ માટે શું
સમપિત | ૩૩
