________________
દેહથી આત્માને એ રીતે અલગ ભાવિત કરવો છે કે સ્વપ્નમાં પણ દેહ તે આત્મા છે આવો ભ્રમ ન થાય.
સરસ અને ધ્યાનાકર્ષક પદ છે ‘ભાવીએ.' ભાવિત કરવાની આ વાત છે. માત્ર વાંચવાની, સાંભળવાની કે વિચારવાની આ ઘટના નથી. ભાવન કરવું. અનુભૂતિ.
શરીર અને વસ્ત્ર જેટલાં અલગ છે, એટલું જ અલગાપણું દેહ અને આત્મામાં છે. છતાં એ અલગાવ-બિન્દુ સ્પષ્ટ કેમ નથી બનતું ?
ભાવિતતા નથી માટે.
યાદ આવે શ્રીપાળ રાસ : ‘સંશય નવિ ભાંજે શ્રુતજ્ઞાને’ માત્ર શ્રુતજ્ઞાન સંશયને/ભીતરી અંધકારને દૂર કરી શકતું નથી. ભાવિતતા/અનુભૂતિ તેમાં ઉમેરાવી જોઈએ.
કચ્છી સંત ડાડા મેકરણે કહ્યું છે : ‘અંદેસડા ન ભાંજીઈ, સંદેસડા કહિઇં...’ માત્ર શબ્દોનું કથન/શ્રવણ સંશયોને દૂર કરી શકતું નથી.
‘ભિન્ન દેહનેં ભાવીએ...' દેહથી આત્માને ભિન્ન અનુભવવો છે. એવી અનુભૂતિ કે સ્વપ્નમાં પણ દેહ તે હું છું આવો ભ્રમ ન થાય.
સમાધિ શતક
૧૩૯
/૧૭
