________________
સ્વયંભૂરમણ સમુદ્ર કરતાં પણ અનંત ગુણું તારું જ્ઞાન છે. અને મારી બુદ્ધિ તો કેટલી નાનકડી !
પ્રભુના સ્વરૂપને, નિર્વિકલ્પતાની પૃષ્ઠભૂ પર જઈને, સ્વરૂપાનુભૂતિ દ્વારા અનુભવી શકાય. એ નિર્વિકલ્પતાની વાત કરતાં કહે છે :
‘નય અરુ ભંગ નિક્ષેપ વિચારત, પૂરવધર થાકે ગુણ હેરી;
વિકલ્પ કરત તાગ નહિ પાયો,
નિર્વિકલ્પ તે હોત ભયેરી...
નય અને નિક્ષેપાના ભાંગાને વિચારતાં ગુણસમૃદ્ધ પૂર્વધર મહર્ષિ પણ થાકી જાય છે. તેઓને લાગે છે કે વિકલ્પો કરતાં તત્ત્વની પ્રાપ્તિ થવાની નથી, તેથી તેઓ નિર્વિકલ્પ થયા.
નિર્વિકલ્પતાની પૃષ્ઠભૂ પર સ્વગુણ-સ્પર્શના. આનંદ જ આનંદ.
પ્રભુને પ્રાર્થે છે પૂજ્ય ચિદાનન્દજી મહારાજ :
‘અંતર અનુભવ વિન તવ પદમેં,
યુક્તિ નહિ કોઈ ઘટત અનેરી;
ચિદાનન્દ પ્રભુ કરી કિરપા અબ,
દીજે તે રસ રીઝ ભલેરી...’
આંતર અનુભવ વગર પ્રભુના સ્વરૂપને પામવું તે અગમ્ય છે. પ્રભુ ! એવી કૃપા કરો કે તે રસ - પરમરસ મને મળે !
સમાધિ શતક
૬ / ૧૫૬
