________________
આ નાદ સાથે અનુસંધાન થયું ભીતરી નાદનું. એમ લાગ્યું કે ભીતર બજી રહેલ અનાહત નાદનું જ બહારી રૂપ છે આ ઝરણાનો નિનાદ.
સવારે પાંચ વાગ્યે એ નાદ સંભળાતો બંધ થયો. મેં ત્યાંના મેનેજરને પૂછ્યું કે રાત્રે અવાજ આવતો હતો, એ શેનો હતો ? એમણે કહ્યું : આ વર્ષે વરસાદ વધુ પડ્યો છે. પર્વતની ટોચ પર પાણી ઘણું ભરાયું છે. તે ઝરણા રૂપે નીચે પટકાય છે.
મેં પૂછ્યું ઃ સવારે એ નાદ સંભળાતો બંધ કેમ થઈ ગયો ? એમણે કહ્યું : જંગલ શાંત હતું ત્યારે અવાજ સંભળાયા કર્યો. જંગલમાં લોકોની અવરજવર ચાલુ થઈ, જંગલ બોલતું થયું એટલે પેલો નાદ સંભળાતો બંધ થયો.
મને થયું ઃ વિકલ્પોના જંગલનો અવાજ ભીતરના મધુરા નાદને ચૂપ કરી દે છે એવું જ આ તો થયું !
આ પૃષ્ઠભૂ પર કડી લઈએ :
લિંગ દ્રવ્ય ગુન આદરે,
નિશ્ચય સુખ વ્યવહાર;
બાહ્ય લિંગ હઠ નય મતિ,
કરે મૂઢ અવિચાર...
દ્રવ્યલિંગ આત્મગુણોના સ્વીકારમાં નિમિત્તરૂપ છે. નિશ્ચય નય વડે સાધ્ય જે મોક્ષસુખ છે, તેમાં દ્રવ્યલિંગ (બાહ્ય વેષ) વ્યવહારથી કારણ છે. પરંતુ સમાધિ શતક ૧૮૫
