________________
નિશ્ચય દૃષ્ટિ હૃદયે ધરી જી, પાળે જે વ્યવહાર;
પુણ્યવંત તે પામશેજી,
ભવસમુદ્રનો પાર... ૫/૪
તુરંગ ચઢી જિમ પામીએ જી, વેગે પુરનો પંથ;
મારગ તિમ શિવનો લહે જી,
વ્યવહારે નિર્પ્રન્થ... ૫/૫
મહેલ ચઢતાં જિમ નહીં જી,
તેહ તુરંગનું કાજ;
સફળ નહિ નિશ્ચય લહેજી,
તિમ તનુ કિરિયા સાજ. ૫/૬
મઝાની વાત આ કડીઓમાં કહેવાઈ. નિશ્ચયનયની દૃષ્ટિને હૃદયમાં રાખીને, તેની પ્રાપ્તિ માટે, તેના ઉપાયરૂપે જે આત્માઓ પંચાચારાદિ વ્યવહારને આચરે છે, તે પુણ્યાત્માઓ ભવસમુદ્રનો અંત પામે છે.
ઉદાહરણ આપ્યું આ વાતની પુષ્ટિ માટે : ઘોડા પર ચઢીને કોઈ માણસ ઈચ્છિત નગરના માર્ગ પર ચાલે છે; તે જ રીતે મુનિ વ્યવહાર દ્વારા મોક્ષનો માર્ગ મેળવે છે. નગરના માર્ગે ચાલ્યા પછી, તે નગર આવી ગયું. જેના ઘેર જવાનું હતું તે ઘર પણ આવી ગયું. હવે ? હવે ઘોડાને છોડી દેવાનો છે. ઘોડા પરથી ઊતરી મહેલમાં જવાનું છે. એ જ રીતે અમુક ક્રિયાઓ - કાયા દ્વારા થતી – તે તે મંજિલ (ક્રિયા દ્વારા મેળવવા યોગ્ય મંજિલ) ને મેળવ્યા પછી કરવાની નથી હોતી.
–
સમાધિ શતક
૧૫૨
