________________
મહર્ષિ કહે છે ઃ આ ચોરો પણ સમાજનું જ એક અંગ નથી ? અને તમારા જેવાઓની ઉપેક્ષાથી એમને આ માર્ગ પર જવું પડ્યું હોય તેમ નથી લાગતું ?
ચોરોની આંખોમાં આંસુ હતા. એમણે મહર્ષિને પગે પડીને કહ્યું : અમે હવે ક્યારેય ચોરી નહિ કરીએ...
આત્મૌપમ્ય.
અઈમુત્તાજી પાસે હતું આ આત્મૌપમ્ય. એમની કોમળતા સકલ જીવરાશિ સુધી ફેલાઈ.
પરંતુ આ કોમળભાવ પણ સાધનકોટિમાં છે; સાધ્યકોટિમાં નથી. વિસ્તરેલા એ આત્મૌપમ્યને પછી પોતાની આત્મદશામાં કેન્દ્રિત કરવામાં આવ્યું. આત્મગુણોની અનુભૂતિમાં એને લઈ જવામાં આવ્યું.
કઠોરતા જીવરાશિ પ્રત્યે હતી, એને હટાવવા કોમળતા જરૂરી હતી. કઠોરતાને હટાવવા/મિટાવવા માટેનું સાધન તે કોમળતા. એ કોમળતા આત્મસાત્ થઈ ગઈ. હવે ? એ કોમળતારૂપ સીડીનું / પગથિયાંનું કામ નથી.
:.
સાધનામાર્ગના ભટકાવો પૈકીનો એક ભટકાવ આ છે : પગથિયાંમાં ઘર કરી લેવું. નહિ, પગથિયાં તો પહેલા કે બીજા માળ પર જવા માટેનું સાધન છે. પગથિયાંમાં ઘર કરવાનું નથી.
સમાધિ શતક ૧૫૦
