________________
બધા યુવાનો એક સાથે ખતમ થયા હોય ત્યાં શોકનું વાતાવરણ કેવું હોય અને ત્યાં પ્રવચન હવે શી રીતે રહે ?
ઉપાશ્રયની રૂમમાં તેઓ નવકારસી વાપરતા હતા અને શિષ્યે કહ્યું: ગુરુદેવ ! પ્રવચન ખંડ તો ચિક્કાર થઈ ગયો છે. નવાઈ પામ્યા તેઓ. સમયસર પ્રવચન શરૂ થયું. પા કલાકમાં એક ચિઠ્ઠી આવી. પ્રવચનમાં આનંદ આવે છે. પણ સ્તર ઊચકાશે તો વાંધો નથી. આચાર્યશ્રીએ સ્તર ઊંચક્યું. ફરી ચિઠ્ઠી આવી. હજુ ઊચકાશે સ્તર તોય વાંધો નથી. આચાર્યશ્રી ખૂબ ઊંડાણમાં જઈને બોલ્યા.
પ્રવચન પૂર્ણ થયા પછી બધા બેઠેલા. એક ભાઈએ કહ્યું : આપશ્રીને ગઈ સાંજની ઘટનાનો ખ્યાલ હશે. આગળ બેઠેલા આ ભાઈના બે નવલોહિયા યુવાનો એ દુર્ઘટનામાં ખતમ થયા.
આચાર્યશ્રીએ તેમને પૂછ્યું : આ સમાચાર મળતાં તમને શો પ્રતિભાવ થયેલો ? તેમણે કહ્યું : દાદા પાંડુરંગજી આઠવલેજીનો ભક્ત છું. દાદાનો ફેક્સ તરત આવી ગયો કે પ્રભુએ બંને દીકરાઓને પોતાના કામ માટે બોલાવી લીધા છે... મહારાજશ્રી ! મારો પ્રતિભાવ એટલો જ હતો કે પ્રભુએ પોતાના કાર્ય માટે મને કેમ ન બોલાવ્યો ?
આચાર્યશ્રીએ પૂછ્યું : પ્રવચનને, તત્ત્વજ્ઞાનને આટલા ઊંડાણપૂર્વક તમે માણી શકો છો એનો મને ખૂબ આનંદ થયો.
લોકોએ કહ્યું : દાદાના સ્વાધ્યાય મિશનમાં અમે જોડાયેલા છીએ. દાદાના તત્ત્વજ્ઞાન પરનાં ઊંચાં પ્રવચનો સાંભળવાને કારણે તત્ત્વજ્ઞાનના ઊંડાણમાં
આનંદ આવે છે.
સમાધિ શતક
|૧૩૭
