________________
કરવાનું ? જ્યોતિષી કહે : લાલ નંગની વીંટી પહેરો. સોનીને પૂછ્યું : એક હજા૨ની વીંટી થશે તેમ કહ્યું. પાંચસો તો ગમે ત્યાંથી ભેગા કર્યા અને સોનીને આપ્યા. વીંટી થઈ ગઈ. પહેરાઈ ગઈ. હવે બીજા પાંચસો રૂપિયા ક્યાંથી લાવવા ? સોનીને મહિનાનો વાયદો કરેલો. પણ પૈસાનો જોગ થાય નહિ. મહિના પછી સોની રોજ કહે : લાવો, પૈસા... ભાઈ કહે : આપીશ...
બે-એક મહિના પછી જોષી મહારાજ મળ્યા. વીંટી જોઈને પૂછ્યું : હવે કેમ છે ? પેલો કહે : પહેલાં તો એકલા મંગળ મહારાજ નડતા હતા, હવે તો સોની મહારાજ પણ નડે છે !
હા, પરિગ્રહ ગ્રહ નડતો હોય અને અપરિગ્રહી મહાત્માને એની નડતર દૂર થાય એ માટે માર્ગ પૂછીએ તો ખરેખર એ પીડા નષ્ટ થઈ જાય.
પણ, ખરેખર આપણને પરિગ્રહ નડે છે ? પરિગ્રહની પરેશાની અનુભવાય છે ?
પદાર્થોમાં મારાપણાની બુદ્ધિ હશે ત્યાં સુધી પરિગ્રહની પરેશાની નહિ અનુભવાય. આ પૃષ્ઠભૂ પર કડીને મમળાવીએ : ‘મૂઢાતમસું તે પ્રબળ, મોહે છાંડિ શુદ્ધિ; જાગત હૈ મમતા ભરે, પુદ્ગલમેં નિજ-બુદ્ધિ...' આત્મભાવ સુષુપ્ત હોય છે ત્યારે મોહ વ્યક્તિની સુધ-બુધ હરી લે છે. પછી તેવા મનુષ્યો પુદ્ગલમાં પોતાપણાની બુદ્ધિ રાખી મમત્વના પૂરમાં વહ્યા કરે છે.
મમત્વ. મારાપણું. પરમાં પોતાનાપણાની બુદ્ધિ તે જ પરિગ્રહ. કેમ નીકળે આ પરિગ્રહ ? પદાર્થોમાં અને વ્યક્તિઓમાં થતી પોતીકાપણાની લાગણીને દૂર કરવા શું કરી શકાય ?
સમાધિ શતક
*|**
