________________
આ પૃષ્ઠભૂ પર કડી આવી :
વાસ નગર વન કે વિષે,
માને દુવિધ અબુધ; આતમદર્શીકું વસતિ,
કેવલ આતમ શુધ
નગરમાં કે વનમાં વાસ તો હશે શરીરનો. આત્મદર્શી સાધક ક્યાં રહેશે ? માત્ર પોતાની ભીતર.
પરમપાવન આચારાંગ સૂત્રમાં નૌકા ઉત્તરણ વિધિ આવે છે. ગંગા આદિ મોટી નદીઓને હોડી દ્વારા ઊતરવી પડે ત્યારે મુનિ કેવી રીતે ઊતરે ?
એક ક્ષેત્રમાં વધુ સમય રહેવાય નહિ, અને તે સમયે દેશ નદીઓથી ભરપૂર. તો, મોટી નદી હોડીથી ઊતરવી પડે. એના માટે આખી વિધિ છે. હોડીમાં બેસતાં પહેલાં મુનિ શરીરને પૂંજી લે છે. હોડીમાં બેઠા પછી મૌનમાં ડૂબેલ હોય છે મુનિ.
ક્યારેક એવું બને કે નાવ ભંવરમાં ફસાઈ જાય કે એવું કંઈક થાય અને નાવમાં બેઠેલા લોકો કહે કે આ સાધુ બેઠા છે અંદર, માટે આ તકલીફ આવી છે. સાધુને જ ઊચકીને નદીમાં ફેંકી દો... આવું સાંભળવા છતાં મુનિના એક રૂંવાડે પણ ભય ફરકતો નથી. લાગે કે બધા જ એક મત થઈ ગયા છે અને પોતાને નદીમાં ફેંકવા તૈયાર થઈ ગયા છે, ત્યારે મુનિ કહે : તમે મને નદીમાં નહિ ફેંકતા, હું મારી મેળે નદીમાં જતો રહીશ.
કરુણાનો કેવો તો વિસ્તાર અહીં જોવા મળે ! લોકો પોતાના શરીરને નદીમાં ફેંકે તો અકાયના જીવોની કિલામણા થાય ને ! પોતે નદીમાં ધીરેથી
સમાધિ શતક
|
૯૯
