________________
પહેલી દશા : અન્તર્મુખ દશા.
જ્યારે સાધકનું હૃદય પોતાની ભીતર રહેલ અપાર સંપદા ભણી વળે છે. અત્યાર સુધીની બહારની દોડને સમાન્તર હવે અંદર યાત્રા શરૂ થાય છે.
બહારનો પ્રવાસ : કેવો તો થકવી દેનારો એ હતો ! દોડ્યા જ કરો, દોડ્યા જ કરો ! એક ક્ષણ ઊભા રહીને વિચારવાની વાત ત્યાં નહોતી કે શા માટે આ દોડવાનું ? એક રેસ લાગેલી. જેમાં થોભવાનું હતું જ નહિ.
એક સુખદ ક્ષણે થોભવાનું થયું. અને દોડ અસાર લાગી.
એક સજ્જનને દશ લાખ રૂપિયાની લૉટરી લાગી. એ બહાર ગયેલા. પત્ની પાસે રકમ આવી પણ ગઈ. હવે પેલા સજ્જનને વાત શી રીતે કરવી ? સજ્જન ઘરે આવ્યા. એમને ઈનામનો ખ્યાલ નથી. પત્નીને થયું કે એવી સ્થિતિમાં અમે જીવીએ છીએ કે દશ લાખ રૂપિયા મળ્યા છે એ સાંભળતાં આનંદથી એમના હૃદયને આંચકો ન લાગી જાય.
પત્નીએ પોતાના પડોશી સજ્જનને વાત કરી કે અમને દશ લાખની લૉટરી લાગી છે. પણ તમારે એ સમાચાર મારા પતિને એ રીતે ધીરે ધીરે આપવાના કે આનંદને કારણે એમના શરીરને આઘાત ન પહોંચે.
સાંજે પડોશી અને પેલા સજ્જન બેઠેલા. પડોશી કહે કે ધારો કે તમને લૉટરીનું ઈનામ મળે તો... પેલો કહે : આપણું ક્યાં નસીબ જ છે ? પેલા ભાઈ કહે : પણ ધારવામાં શું વાંધો ? લાખ રૂપિયા મળે તો તમે શું
કરો ?
સમાધિ શતક
| ૧૨૪
