________________
પૂર્વસંયોગનો ત્યાગ અને ઉપશમની પ્રાપ્તિ. આ સજ્જતાઓ પછી મુનિ કર્મશરીરનું આપીડન, પ્રપીડન અને નિષ્પીડન કરે છે. ક્રમશઃ ત્રણે તબક્કા દ્વારા કર્મનો હ્રાસ થોડો, વધુ, ઘણો વધુ થાય છે.
પૂર્વસંયોગનો ત્યાગ. દીક્ષિત થયેલ મુનિને પૂર્વસંબંધોની સ્મૃતિ પણ નથી હોતી. મુનિજીવનનો આનંદ એવો પ્રગાઢ હોય છે કે એ આનન્દાનુભવમાં જ સતત ઉપયોગ રહ્યા કરે. પછી ગૃહસ્થજીવનની ઘટનાઓનું સ્મરણ ક્યાંથી થાય ?
ગુણસાગર શ્રેષ્ઠિપુત્ર છે. મુનિરાજને જોતાં પૂર્વનું મુનિજીવન સાંભર્યું. કેવો આનન્દ માણ્યો હશે શ્રામણ્યનો કે અહીંનાં કહેવાતાં બધાં સુખો એમને તણખલાં જેવાં લાગે છે. હવે તો એક જ રઢ લાગી છે : ક્યારે મુનિજીવન મળે ?.
માતા-પિતાના આગ્રહથી લગ્નની હા પાડવી પડી. પણ સામે નક્કી થયું કે લગ્નની બીજી સવારે ગુણસાગર દીક્ષા સ્વીકારે તો માતા-પિતા ના નહિ પાડે.
લગ્નનો વરઘોડો નીકળ્યો. અને ગુણસાગરના હૃદયમાં શ્રામણ્યનો આનંદ ઉલ્લસિત થવા લાગ્યો : કાલે દીક્ષા... કેવો આનંદ, પછી ! ગુરુસેવાનો આનંદ. અધ્યયનનો આનંદ... આજ્ઞાપાલનનો આનંદ... આનંદ જ આનંદ...
લગ્નની ચોરીમાં શુક્લધ્યાનની ધારા અને કેવળજ્ઞાન...
(૧) આવીનટ્ પવીત ખબીજા, ખહિત્તા પૂન્નસંગોમાં હિવ્વા ૩વસમાં ॥ ૧૪રૂ ॥
સમાધિ શતક
|**
