________________
સોહેઈએ રસ્તો શોધી કાઢ્યો. ગુરુ પ્રાતઃભ્રમણ માટે એકલા નીકળે છે. એ વખતે એમની સાથે જવું અને પૂછી લેવું.
બીજી સવારે જ મોકો મળી ગયો. ગુરુ સાથે સોહેઈ ચાલ્યો. મઝાના વાંસના વનમાં ગુરુ ચાલી રહ્યા છે. સોહેઈએ કહ્યું : મારા પ્રશ્નનો ઉત્તર...
ગુરુ કહે છે : આ વાંસના વૃક્ષોને તું જો. વાંસ જેવો તું થઈ જા. શું વાંસના એક પણ વૃક્ષને સવાલ થતો હશે કે સવારના પહોરમાં આ બે જણા કેમ અહીં ફરે છે ? તેઓ મૌનમાં ઊભા છે. તારી સાધનાને આગળ વધા૨વી હોય તો તું મૌનમાં પ્રતિષ્ઠિત થા. વિકલ્પોનો સાધનામાર્ગમાં પ્રવેશ જ નથી.
બીજું ચરણ : બહિર્ભાવમાં સુષુપ્તિ.
જ્યાં આત્મભાવ ગમ્યો, તેમાં વહેવાનું થયું; બહિર્ભાવમાં કેમ જવાશે ?
બહિર્ભાવમાં અત્યારે સતત જવાય છે, તો એનું કારણ છે બહિર્ભાવમાં જવાનો અનાદિકાળનો અભ્યાસ. બાહ્ય જગત પાસે એક સાધકને આકર્ષી શકે તેવું શું છે ? કશું જ નહિ. માત્ર ટેવાયેલું મન એ બાજુ સર્યા કરે છે. પરંતુ મનને એક મઝાનો વિકલ્પ અપાય તો... ? તો એ બાહ્ય જગત ભણી નહિ જાય. આન્તર જગતના આનન્દ સાથે જે ક્ષણે આપણો સંપર્ક થયો; બહારની દુનિયા છૂટી જવાની છે.
સમાધિ શતક
૮૬
|*
