________________
જેને શુભ યોગ નથી થયો; સત્સંગ કે સ્વાધ્યાય દ્વારા જેણે પોતાના સ્વરૂપની આછી સી ઝલક નથી મેળવી; તેને બોધ આપી કેમ શકાય ? જેને ‘હું’ એટલે આત્મા એ ખ્યાલ નથી, એ વ્યક્તિને આત્મતત્ત્વ ૫૨ક બોધ કઈ રીતે ગમે ? એને તો શરીર કેમ સ્વસ્થ રાખવું એ વાત જ ગમશે ને !
અત્યારે ઘણે સ્થળે યોગનો મહિમા થયો છે. યોગની એકાદ શિબિર માટે લોકો તગડી ફી પણ ચૂકવે છે. પરંતુ એ યોગ દ્વારા ઘણા બધા લોકો જે મેળવવા માંગે છે, તે ભણી નજર કરીએ તો નિરાશા જ સાંપડે. યા તો શ૨ી૨-સ્વાસ્થ્ય માટે યા માનસિક શાંતિ માટે જ યોગના આશ્રય લેનાર ઘણા જોવા મળે.
સાધક એ જ યોગને ઘૂંટશે, ધ્યાન અને કાયોત્સર્ગને આત્મસાત્ કરશે. પણ એનો ઉદ્દેશ હશે આત્મિક નિર્મળતા. એના માટે યોગ (જોડાણ) વાસ્તવિક રૂપમાં પોતાના સ્વરૂપ સાથેનું અનુસંધાન જ હશે. ‘આપ આપકું બૂઝવે, નિશ્ચય અનુભવ ભોગ...’
જ્યાં સ્વરૂપાનુભૂતિની કે સ્વગુણાનુભૂતિની આછી સી ઝલક મળી; બોધ થઈ ગયો. હવે વહેવાનું અનુભૂતિની ધારામાં...
સમાધિ શતક
|
૪૧
