Paumchariyam Part 03

Author(s): Parshvaratnavijay
Publisher: Omkarsuri Aradhana Bhavan

Page 17

३८८
पउमचरियं अह भणइ समासत्थो, सुग्गीवो सामि ! वेरिओ इहई । आगन्तूण पुण गओ, किं न तुमे सो हओ पावो ? ॥३९॥ भाइ तओ पउमाभो, तुब्धं चिय एत्थ जुज्झमाणाणं । न य जाणिओ विसेसो, तेण मए नाहओ सरिसो ॥४०॥ सुग्गीव ! पुणरपि तुमं, तं दुट्टं दिट्ठिगोयरे मज्झं । ठावेहि जेण पेच्छसु, अचिरा भिन्नं सरसएसु ॥४१॥ सुग्गीवेणाऽऽहूओ, समागओ दुट्टवाणराहिवई । रामेण समरमज्झे, रुद्धो मेहो इव नगेणं ॥ ४२ ॥ दट्ठूण रामदेवं, वेयाली निग्गया महाविज्जा । साहसगई वि जाओ, साहावियरूवसंठाणो ॥४३॥ सुग्गीवरूवरहियं, दट्ठूणं साहसं मरगयाभं । रुट्ठा वाणरसुहडा, मिलिया सव्वे वि एगट्ठे ॥४४॥ संग्रामम्मि पवत्ते, धरिओ च्चिय लक्खणेण सुग्गीवो । साहसगईण वि तओ, भग्गं तं वाणराणीयं ॥ ४५ ॥ भग्गं दट्ठूण रणे, कइसेन्नं राघवो सरसएसु । आहणइ साहसगई, सुइरं काऊण रणलीलं ॥४६॥ तिक्खसरभिन्नदेहो, पडिओ च्चिय साहसो धरणिपट्टे । दिट्ठो विमुक्कजीओ, वाणरसुहडेहि सव्वेहिं ॥४७॥ निहयं दट्ठूण अरिं, सुग्गीवो राघवं ससोमित्ती । पूएइ पययमणसो, पेसेइ य पट्टणं निययं ॥४८॥ ठविऊण वरुज्जाणे, पउमाभं वाणराहिवो एत्तो । पविसरइ सिरिहरं सो, दइयाउक्कण्ठिओ सिग्घं ॥ ४९ ॥ जाओ तारा समं समागमो तत्थ वाणरेन्दस्स । रइसागरमोगाढस्स तस्स दियहा य वच्चन्ति ॥५०॥ सुहडा विराहियाई, तत्थेवाऽऽणन्दकाणणे सव्वे । आवासिया ससेन्ना, रामो चन्दप्पहहरम्मि ॥ ५१ ॥
अथ भणति समाश्वस्तः सुग्रीवः स्वामिन् ! वैरीह । आगत्य पुन र्गतः किं न त्वया स हतः पापः ? ॥३९॥ भणति ततः पद्मनाभो युवयोरेवात्र युद्ध्यमानयोः । न च ज्ञातो विशेषस्तेन मया नाहतः सदृशः ||४०|| सुग्रीव! पुनरपि त्वं तं दुष्टं दृष्टिगोचरे मम । स्थापय येन पश्याचिराद्भिन्नं शरशतैः ॥४१॥ सुग्रीवेणाहूतः समागतो दुष्टवानराधिपतिः । रामेण समरमध्ये रुद्धो मेघ इव नगेन ॥४२॥ दृष्ट्वा रामदेवं वैताली निर्गता महाविद्या । साहसगतिरपि जातः स्वाभाविकरुपसंस्थानः ॥४३॥ सुग्रीवरूपरहितं दृष्ट्वा साहसं मरकताभम् । रुष्य वानरसुभटा मिलिताः सर्वेऽप्येकत्रम् ॥४४॥ संग्रामे वृत्त व लक्ष्मणेन सुग्रीवः । साहसगतिनाऽपि ततो भग्नं तद्वानरानीकम् ॥४५॥ भग्नं दृष्ट्वा रणे कपिसैन्यं राघवः शरशतैः । आहन्ति साहसगतिं सुचिरं कृत्वा रणलीलाम् ॥४६॥ तीक्ष्णशरभिन्नदेहः पतित एव साहसो धरणिपृष्टे । दृष्ये विमुक्तजीवो वानरसुभटैः सर्वैः ॥४७॥ निहतं दृष्ट्वाऽरिं सुग्रीवो राघवं ससौमित्रिम् । पूजयति प्रयतमनाः प्रेषयति च पत्तनं निजम् ॥४८॥ स्थापयित्वा वरोद्याने पद्मनाभं वानराधिप इतः । प्रविशति श्रीगृहं स दयितोत्कण्ठितः शीघ्रम् ॥४९॥ ज्ञातस्तारायास्समं समागमस्तत्र वानरेन्द्रस्य । रतिसागरमवगाढस्य तस्य दिवसाश्च गच्छन्ति ॥५०॥ सुभटा विराधितादयस्तत्रैवानन्दकानने सर्वे । आवासिताः ससैन्या रामश्चन्द्रप्रभागृहे ॥५१॥
१. साहसग - प्रत्य० । २. ससोमित्ति - प्रत्य० ।