Paumchariyam Part 03

Author(s): Parshvaratnavijay
Publisher: Omkarsuri Aradhana Bhavan

Page 161

७९. राम-लक्खणसमागमपव्वं |
अह सोलसमे दियहे, कओवयारा पभायसमयम्मि । राहव-सोमित्ति-सिया पुप्फविमाणं समारूढा ॥१॥ सव्वे वि खेयरभडा, विमाण-रह-गय-तुरङ्गमारूढा । रामेण समं चलिया, साएयपुरी नहयलेणं ॥२॥ पउमङ्कसन्निविट्ठा, पुच्छड़ सीया पई अइमहन्तं । जम्बुद्दीवस्स ठियं, मज्झे किं दीसई एयं ॥३॥ पउमेण पिया भणिया, एत्थ जिणा सुरवरेसु अहिसित्ता । मेरू नाम नगवरो, बहुरयणजलन्तसिहरोहो ॥४॥ जलहरपब्भारनिभं, नाणाविहरुक्खकुसुमफलपउरं । एयं दण्डारण्णं, जत्थ तुमं अवहिया भद्दे ! ॥५॥ एसा वि य कण्णरवा, महानई विमलसलिलकल्लोला । जीसे तडम्मि साहू, सुन्दरि ! पडिलाहिया य तुमे ॥६॥ एसो दीसइ सुन्दरि !, वंसइरी जत्थ मुणिवरिन्दाणं । कुल-देसभूसणाणं, केवलनाणं समुप्पन्नं ॥७॥ भवणुज्जाणसमिद्धं, एयं तं कुब्बरं पिए ! नयरं । इह वसइ वालिखिल्लो, जणओ कल्लाणमालाए ॥८॥ एयं पि पेच्छ भद्दे !, दसण्णनयरं जहिं कुलिसयन्नो । राया अणन्नदिट्ठी, रूववतिपिया परिव्वसइ ॥९॥ तत्तो वि वइक्वन्ता, भणइ पियं जणयनन्दिणी एसा । दीसइ पुरी पहाणा, कवणा सुरनयरिसंठाणा ॥१०॥ भणिया य राहवेणं, सुन्दरि ! एसा महं हिययइट्ठा । विज्जाहरकयभूसा, साएयपुरी मणभिरामा ॥११॥
७९. रामलक्ष्मणसमागमपर्वम्
अथ षोडशे दिवसे कृतोपचाराः प्रभातसमये । राधव-सौमित्रि-सीताः पुष्पकविमानं समारूढाः ॥१॥ सर्वेऽपि खेचरभटा विमानरथगजतुरङ्गमारुढाः । रामेण समं चलिताः साकेतपुर्रि नभस्तलेन ॥२॥ पद्माकसन्निविष्टा पृच्छति सीता पतिमतिमहत् । जम्बूद्वीपस्य स्थितं मध्ये किं दृश्यत एतत् ॥३॥ पद्मेन प्रिया भणिताऽत्र जिनाः सुरवरैरभिसिक्ताः । मेरु नाम नगवरो बहुरत्नज्वलच्छिखरौघः ॥४॥ जलधरप्राग्भारनिभं नानाविधवृक्षकुसुमफलप्रचूरम् । एतद्दण्डारण्यं यत्र त्वमपहृता भद्रे ! ॥५॥ एषाऽपि च कर्णरवा महानदी विमलसलिलकल्लोला । यस्यास्तटे साधवः सुन्दरि ! प्रतिलाभिताश्च त्वया ॥६॥ एष दृश्यते सुन्दरि ! वंशगिरि यंत्र मुनिवरेन्द्राणाम् । कुल-देशभूषणानां केवलज्ञानं समुत्पन्नम् ।।७।। भवनोद्यानसमृद्धमेतत्तत्कुर्बरं प्रिये ! नगरम् । इह वसति वालिखिल्यो जनकः कल्याणमालायाः ।।८॥ एतदपि पश्य भद्रे ! दशकर्णनगरं यत्र कुलिशकर्णः । राजाऽनन्यदृष्टी रूपवतीपिता परिवसति ॥९॥ ततोऽपि व्यतिक्रान्ता भणति प्रियं जनकनन्दिनी एषा । दृश्यते पुरी प्रधाना का सुरनगरी संस्थाना ॥१०॥ भणिता च राधवेन सुन्दरि ! एषा मम हृदयेष्ठा । विद्याधरकृतभूषा साकेतपुरी मनोभिरामा ॥११॥
१. दिवसे-प्रत्य० । २. ०त्तिभडा पु०-प्रत्य० । त्तिसुया पु०-मु० । ३. ०वरेहिं अहिं०-प्रत्य० । ४. एयं पिच्छसु भद्दे !-प्रत्य० । ५. रूववइपिया-मु० ।