________________
CLRRRRRRRRRRRRRRRRRRRRRERS
સિતાને કલંક....ભ-૬
૩૨ એ હેતુને સુસિદ્ધ કરવાપૂર્વક જ જીવે છે, કારણકે એ દુન્યવી
તૃષ્ણાઓથી પર બની જવાના પ્રયત્નમાં લીન રહેવાના યોગે તેમજ ઉપાધિ આદિથી મુક્ત હોઈને, ઘણી શાન્તિપૂર્વક જીવી શકે છે. પરભવમાં જેને મહાઋદ્ધિ મેળવવાની લાલસા છે, રૂપસુન્દરીઓ મેળવવાની જેની લાલસા છે, ચક્રવર્તી જેવી સત્તા મેળવવાને જે ઇચ્છે છે, અને પરભવમાં દુન્યવી કીતિ કમાવવાને જે ઈચ્છે છે, એવા પામરોની વાત બાજુએ રાખો: એ બિચારાઓને વસ્તુત: પરમાર્થનું ભાન નથી, પરંતુ જે પુણ્યાત્માઓને તેવી કોઈ લાલસા નથી. અને જેઓ આત્મસ્વભાવને પ્રગટ કરવાના નિમિત્તે જ ધર્મ કરે છે, તેઓ તો આ ભવમાં પણ અનુપમ શાન્તિ ભોગવી શકે છે. જેને ઈચ્છા થાય તેને એચ્છિક વસ્તુ ન મળે તો દુ:ખ થાય, પણ જેને તેવી ઈચ્છા જ ન હોય તેને તો દુઃખ ન થાય ને? સભા : નહિ જ.
સંસાર ત્યાગીને સંયમ તકલીફ રૂપ નથી પૂજ્યશ્રી : સંસારત્યાગી સાંસારિક ભોગોનો અર્થી ન હોય; જો મોક્ષાર્થે જ આજ્ઞાવિહિત જીવન જીવતો હોય તો જ તે સાચો ત્યાગી છે અને એ જ ત્યાગનું સુખ અનુભવી શકે છે. સંસારનો ત્યાગી સંસારનો અર્થી હોય તો મહાદુઃખી, બાકી તો એના જેવો બીજો કોઈ જગતમાં સુખી નથી. ‘પોતે અનન્તજ્ઞાની શ્રી જિનેશ્વરદેવોની આજ્ઞાની આરાધના કરવા દ્વારા પોતાના આત્મસ્વભાવને પ્રગટ કરવાનો સમય નજદિક લાવી રહેલ છે અને અનન્તા જીવોને અભયદાન આપી રહેલ છે.’ એવા વિચારથી પણ શ્રી જિનશાસનનો ત્યાગી મહાસુખી હોય છે. આથી સ્પષ્ટ છે કે, શ્રી જિનશાસનનો ત્યાગી તો પોતાના ત્યાગનું ફળ ત્યાગની સાથે જ ભોગવવા માંડે છે એને સંયમ કષ્ટરૂપ નથી લાગતું. મોસમમાં માલ રળી રહેલા વ્યાપારીઓને જેમ તકલીફ તકલીફરૂપ લાગતી નથી, તેમ સાચા સાધુઓને કઠોર તપશ્ચર્યામય સંયમ પણ તકલીફ રૂપ લાગતું જ નથી.
જ્ઞાનીની આજ્ઞા મુજબ ત્યાગ કરનારને લહેર જ છે આ રીતે પરભવ હોય કે ન હોય, તે છતાંપણ સાચા સંયમીને
