________________
૩
શત્રુઘ્નને મથુરાનો આગ્રહ શા માટે ?
શત્રુઘ્નના મથુરા અંગેના આગ્રહનું કારણ દર્શાવતા, શ્રી દેશભૂષણ નામના કેવળજ્ઞાની પરમર્ષિ ફરમાવે છે કે,
‘શત્રુઘ્નનો જીવ ભૂતકાળમાં મથુરામાં અનેકવાર ઉત્પન્ન થયેલો છે.' પૂર્વભવોના સંસ્કારો પણ કેટલું કામ કરે છે ? તે જુઓ. ખરાબ સંસ્કારોની ખરાબ અસર થાય અને સારા સંસ્કારોની સારી અસર થાય તે સ્વાભાવિક છે. ભવાંતરમાં પણ પૂર્વના અમુક અમુક સંસ્કારોની અસર થાય છે. શ્રી આર્દ્રકુમારને જાતિસ્મરણ જ્ઞાન ઉત્પન્ન થવામાં કારણ ક્યું ? શ્રી અભયકુમારે ભેટમાં મોકલેલી શ્રી જિનમૂર્તિનુ દર્શન જ ને ? શ્રી જિનમૂર્તિના આકારને જોતા, ‘આવો આકાર મેં ક્યાંક જોયો છે.' એમ શ્રી આર્દ્રકુમારને થયું અને એ વિચારણામાંથી જાતિસ્મરણજ્ઞાનની પ્રાપ્તિ થઈ. પૂર્વભવના ઉત્તમ સંસ્કારો કેટલીકવાર બોધિબીજની પ્રાપ્તિમાં, સમ્યક્ચારિત્રની પ્રાપ્તિમાં, યાવત્ કેવળજ્ઞાનની પ્રાપ્તિમાં પણ કારણભૂત બની જાય છે. પેલા ખેડૂતનો જીવ, ગણધરદેવ શ્રી ગૌતમસ્વામીજીના યોગે, હેમાાં પ્રતિબોધ પામ્યો અને ભગવાન શ્રી મહાવીર પરમાત્માને જોતાં જ ભાગી ગયો, એ પ્રતાપ પૂર્વના સંસ્કારોનો પણ ખરો ને ? શ્રી વલ્ક્લચીરીના આત્માને કેવળજ્ઞાનની પ્રાપ્તિ એવા જ નિમિત્તે થઈ હતી. પ્રમાર્જતા પ્રમાર્જતા વિચારણા, એમાંથી ધ્યાનારૂઢતા અને એમાંથી કેવળજ્ઞાનની પ્રાપ્તિ. પૂર્વભવના સુસંસ્કારો આ કામ કરે છે.
શત્રુઘ્નને મથુરાનો
આગ્રહ શા માટે ?..........
૫૫
7-666
