________________
ભભ ભભ
પર ઓછી વાત છે ? આ પ્રસંગ સાંભળવો એ તો ઠીક છે, પણ આવું
જોવા કે સાંભળવા છતાંય ધર્મ પ્રત્યે જરાય અનાદર ભાવવાળા નહિ બનનારા કેટલા ? આજે એક સામાન્ય પતનની વાતમાં પણ હો-હા મચી જાય છે. એવું કાંઈક કારણ મળતા, ગમે તેવા સારા ગુરુઓને અને ધર્મને પણ છડેચોક ભાંડનારા આજે ઓછા નથી. શું એ બધા જે પ્રકારનો કારમો કાગારવ મચાવી મૂકે છે, તે તેમને સાધુતા બહુ ગમે છે એથી ? સાધુતા ઉપર સાચો પ્રેમ હોય, તે તો કોઈના પતનના સમાચાર સાંભળતા દુ:ખી થઈ જાય. પતિત પ્રત્યે તેની દયા હોય અને અજ્ઞાન લોક આવા પ્રસંગને જોઈને ઉન્માર્ગે ન ચઢી જાય તેની ચિન્તા હોય ! કોઈ પડે માટે માર્ગને ખરાબ કહેવાય ? માર્ગને નિાય ? પતન એ વખાણવા લાયક વસ્તુ નથી, પણ પતિતના નામે ધર્મની નિન્દા એ તો ભયંકર રીતે વખોડવા લાયક વસ્તુ છે. કર્મનો ઉદય કેવો ભયંકર હોય છે, તે સમજવું જોઈએ. પડતાને જાણીને, પડેલાને જાણીને, પડવાના કારણોથી વધુ સાવધ બનવાનું હોય. આ દૃષ્ટિ આજે ઘણાઓમાં નથી, માટે કેટલાકો અજ્ઞાનતાદિ કારણે પણ અવસરે પવિત્ર માર્ગને હાનિ પહોંચનારી પ્રવૃત્તિમાં પડી ઈ, સ્વપરના ક્લ્યાણનો ઘાત કરનારા નીવડે છે. આવી રીતે ભયંકર પાપના નિરર્થક ભાગીદાર બનવું એ કારમી ભવિતવ્યતા વિના અશક્ય પ્રાયઃ છે.
....સીતાને કલંક....ભાગ-૬
