________________
४८
leerderderdere ederlerler
સીતાને કલંક...ભગત
સભા : પ્રજાનો શો ગુન્હો ?
પૂજ્યશ્રી : વર્તમાનમાં જે સુખ - દુ:ખ આવે છે, તે વર્તમાનની જ કાર્યવાહીનું ફળ છે એમ નથી. અતિ ઉગ્ર એવા પુણ્ય અને પાપનું ફળ આ જન્મમાં પણ મળે છે, પરંતુ મોટેભાગે તો પૂર્વે બંધાયેલા પુણ્ય- પાપને ભોગવવા પડે છે. આ ભવમાં માણસ ધર્મી હોય, તે છતાંય પૂર્વનું પાપ ઉદયમા આવે તો દુ:ખ આવે એ બને. એ જ રીતે આ ભવનો પાપી પૂર્વના પુણ્યયોગે સુખસામગ્રી ભોગવતો હોય એમ બને, આમછતાં, પાપ વિના દુઃખ ન આવે એ વાત તો નિશ્ચિત જ છે પછી તે પાપ આ ભવનું હોય કે પૂર્વભવોનું હોય. મથુરાનગરીના લોકોનું પણ એવું જ કોઈ પાપ ઉદયમાં આવેલું હોવું જોઈએ, કે જેથી આ નિમિત્તે પણ ઉપદ્રવ આવ્યો.
મથુરા નગરીના લોકોનો પાપોદય સભા : પણ બધાનું પાપ એક સાથે ઉદયમાં આવે, એ કેમ બને ? બધાને એક સાથે જ એક સરખા જેવું દુઃખ શાથી ?
પૂજયશ્રી ઘણા માણસો એક સાથે એક જ ક્રિયાના નિમિત્તે પાપ બાંધે, એ બને કે નહિ ? એક માણસ મર્યો અને સૌ એકસાથે ‘સારું થયું એવી ભાવનામાં રત બનીને, એકી સાથે પાપ બાંધે ખરા કે નહિ ? દુશ્મનનો આગેવાન યુદ્ધમાં હણાય, તો સામેના આખા સૈન્યમાં કઈ લાગણી ફેલાય ? અનુમોદનાના પ્રમાણમાં તરતમતા ભલે રહે, પણ એક સાથે પાપ ન જ બંધાય એમ તો નહિ ને ?
સભા : એકી સાથે પાપ બંધાય એ તો સમજી શકાય તેવું આપે સ્પષ્ટ કહ્યું છે.
પૂજ્યશ્રી : નાટક, સીનેમા વિગેરમાં પણ કેટલાક પ્રસંગોએ એકી સાથે પાપ બંધાતું તો હશે ને ?
સભા : હાજી, પણ બધાને એકી સાથે જ ઉદયમાં આવે ?
પૂજયશ્રી : એમેય ન બને એમ નહિ. સામુદાયિક કર્મના યોગે એવું ય બને. શ્રી જૈનશાસનની કર્મ વિષયક પ્રરૂપણાનો અભ્યાસ કરીને પ્રવીણ બનો, તો આવી શંકાઓ ન થાય. અહીં તો આપણી વાત એ છે કે, પાપના ઉદય વિના દુ:ખ આવે જ નહિ, એટલે તે વખતે મથુરાનગરીના તે લોકોનો પાપોદય તો ખરો જ.
