Anantnath Charitra Dudhrutam Pujashtakam

Author(s): Nemichandrasuri
Publisher: Raichand Gulabchand Shah

Page 12

श्री अनन्त - नाथचरित्रादुद्धृतं
पूजाष्टकम्
॥५॥
निवो जातो । कीरजुएण वि भमिउं भवम्मि समुवज्जिउं (अं) सुकयं ॥ ५६ ॥ कीरो जाओ हूं किरणवेगखयराहिवो सुई वि हु | मे | किरणावलित्ति कन्ना जाया नवरं अपुत्तो हं ॥५७॥ जा अंब ( ड ? ) एण हरिया सारसिया तीए सरतडे जणणी । बाणेण | लोइएणं विद्धा खवगेण सच्चविया ॥ ५८ ॥ पंचपरमेट्ठिमंतो दिन्नो से तेण तयणु सा सग्गे । अमरत्तसिरिं भोत्तु संजातो तुह इमो पुत्तो ॥ ५९ ॥ नहयलचलिएण मए दिट्ठो सपिएण मासमेत्तवओ । कीरहरणुत्थपावोदएण तुह सो मए हरिओ ॥ १६० ॥ पडिवन्नो पुत्तत्तेण नयणवेगोत्ति तयणु कयनामो । समयंमि तस्स रज्जं दाउं दिक्खा मए गहिया ॥ ६१ ॥ नंदीसरवलिएणं हरिया तुह कन्नया तओ तेण । अंबयभवसमुवज्जियसारसियाहरणपाववसा ॥ ६२ ॥ अट्ठारसघडियाहिं अट्ठारसवच्छराणि सुयविरहो । जाओ तह दिवसतिगं सुयाए सह अप्पपावेण ॥ ६३ ॥ ता सुमुणि कोउउप्पाइयं पिइय | दुक्खदायगं पावं । रागहोसवसकयं तं पुण वियरइ भवोहदुहं ॥ ६४ ॥ इय कहियं तुह चरियं तो रायरिसीवि जाइसर - णेण । तं नाउमाह एवं जह पहु तुब्भेहिं कहियंति ॥ ६५ ॥ नवदिक्खियमुणिजुत्तं नमिऊण गुरुं निवो कइवि दिवसे । भोक्तुं खेयररज्जं रयणप्पायारमणुपत्तो ॥ ६६ ॥ नीईए तत्थ पालइ रज्जं भुंजइ पियाए सह भोए । निञ्चंपि कुणइ तित्थप्पभावणं पूयइ जिर्णिदे ॥ ६७॥ दंडिप्पवेसिएणं कइयावि हु जणयमंतिणा राया। नमिउं विन्नत्तो देव तुह पिया गिव्हिही दिक्खं ॥ ६८ ॥ | रज्जारिहोत्ति केणइ हणिज्जिही एस इय विभावेडं । पिउणावमाणिओ तं न चेव पहु रागदोसेहिं ॥ ६९ ॥ ता तुम्हे पिउरज्जस्ति| रिमागंतुं अलंकरह पहुणो । कारणकयावमाणणविसए खेओ न जुत्तो जं ॥ १७० ॥ तं निसुणिऊण सम्माणिऊण तं तेण संजुओ राया । तत्थ गओ पयपणओ पिउणा आलिंगिओ गाढं ॥ ७१ ॥ संभासिय ससिणेहं निवेसिओ नियपए तओ | रन्ना । गीयत्थगुरुसयासे रिद्धीए कथं वयग्गहणं ॥ ७२ ॥ पालई सो रज्जतिगं नरखेयररायर इयपयसेवो । नंदीसराइठाणेसु १ 'संजाओ तुह नरवर अट्ठारसवच्छराणि सुअविरहो' इति पाठान्तरम् ।
1
कुसुम
पूजायां
कुसुम
शेखरकथा
॥५॥