Anantnath Charitra Dudhrutam Pujashtakam

Author(s): Nemichandrasuri
Publisher: Raichand Gulabchand Shah

Page 39

धूपपूजायाँ धूपसुंदरकथा
चारिणो विरुद्धा समच्छरं पायचारीहिं ॥ ३६ ॥ बावल्लसेल्लभल्लयमल्लीनारायसरपहारेहिं । मिजंता गुरुगयघडमडतुरया जन्ति जमगेहं ॥ ३७॥ अन्नोन्नं दंतेहिं तोडंति सिराई मुक्कहक्काई। निप्पसरअसिप्पहरे वियरंति य वग्गिरधडाई ॥ ३८ ॥ नवरंगमेहडंबरसियछत्तेहिं मही जहिं सहइ । रत्तुप्पलइंदीवरपुंडरियकयोवहारव ॥ ३९ ॥ खग्गाहयगयकुंभग्गनिग्गयाउ पडन्तमुत्ताओ। रेहन्ति खग्गपाणीयगलिरगुरुबिंदुणोध जहिं ॥६४०॥ असिघायुच्छलियठियं गयस्स जस्सन्तिगे मुहं करिणो । सो सहइ तेण दुकरोष सचउकुंभोव दुमुहोव ॥४१॥ एयारिसे रउद्दे रणम्मि रणवीररायकुमरेहिं । पारद्धं पहरेउं परोप्परं करडिचडिएहिं ॥ ४२ ॥ लल्लक्कमुक्कहक्काछलप्पहारेहिं दोवि पहरति । भिदंति य अन्नोन्नं दंतप्पहरेहिं करिणोवि ॥ ४३॥ रिउकरिणा कुमरकरी निवाडितो दसणपहरजजरिओ । पडिओ कुमरो गहिओ य वेरिकरिणा करग्गेण ॥४४॥ उच्छालिओ य गयणे निवडन्ते निवसुए रिउनिवेण । धरिओ खग्गो उद्धं (हेर्ट?) जह भिजइ निवडिरो कुमरो ॥ ४५ ॥ निवडतेणं तेणं रिउखग्गं वंचिउं तओ झत्ति । पयघाएणं पट्ठीए पहणिउं पाडिओ वेरी ॥ ४६॥ पडिओ सो करिपुरओ कोवमयंधेण तयणु तेणावि । दिन्नो पाओ सीसे दलियकवालो मओ राया ॥४७॥ दटुं वेरिविणासं असुरामरखेयरेहिं परिमुक्का । कुमरसिरम्मि निवडिया अलिउलमुहला कुसुमबुट्ठी ॥४८॥ अहियंमि हए गहिया कुमरेणमनायगा सिरी सयला । "को वा कुणइ पमायं लाहे अच्चन्भुयत्थस्स" ॥४९॥ मोत्तुं निय|पहुपुत्तं रिउसामंता कुमारमणुसरिया । "लज्जति जियंताणवि सबे विरलच्चिय मयाणं" ॥६५०॥ तो झत्ति समरवीरो रिउपुत्तो कुमरमस्सिओ सरणं । "समयाणुवत्तणं सइ नीई किं पुण इय अवाए" ॥५१॥ कुमरेणावि विइन्नो तप्पिट्ठीए | निओ अभयहत्थो । "इयरम्मि वि निरणुसया किं पुण सरणागए गरुया" ॥ ५२॥ काराविय नियआणं दिन्नं तस्सेव तजणयरजं । “असमाणश्चिय निच्चं कोवपसाया महंताण" ॥ ५३ ॥ तेणवि सिंगारसिरिभइणि परिणाविओ नरिंद
अनन्त०४