Anantnath Charitra Dudhrutam Pujashtakam

Author(s): Nemichandrasuri
Publisher: Raichand Gulabchand Shah

Page 22

फलपूजायां फलसारकथा
श्रीअनन्तनाथचरित्रादुद्धृतं पूजाष्टकम् ॥१०॥
आणंदइ सुमणपत्तभरपरमो। फलसारो नामेणं दुमोब दूरुन्नतो कुमरो ॥ ३५॥ कइयावि सहासीणे निवंमि कुमराइरायमंतिजुए। झणहणिरकिंकणिगणं विमाणमेगं समणुपत्तं ॥ ३६॥ तम्मज्झाउ पसरंतमणिमयाभरणकिरणदुनिरिक्खो । रविरहरयणाओ रविव खेयरो झत्ति नीहरिओ ॥ ३७॥ पडिहारकयपवेसस्स तस्स संमाणपुवमवणिवई । खयराहिराय साहसु आगमणत्थंति जंपेइ ॥३८॥ सो आह ससहरसिओ वेयड्डो नाम वामदेवोव । गंगासिंधुपरिगतो अत्थि गिरी गरुयनयरसिओ ॥ ३९ ॥ नयनायरगुणनिजियसमग्गपुरपत्तवेजयंतित्व । तत्थत्थि वेजयंती नयरी मणीभवणकमणीया ॥ ३४०॥ गोरीपन्नत्तीपमुहसिद्धविजापभावदुजेओ। विजाहरराया तत्थ अत्थि सिंगारसारोत्ति ॥ ४१ ॥ निम्मलनहकयसोहा पवित्तसब्भावभासियदिसोहा । तारावलिब जाया जाया तारावली तस्स ॥ ४२ ।। तीसे असेसभुवणेक्कभूसणं रूवरेहविजियरई । जाया मणुन्नकन्ना सिंगारतरंगिणी नाम ॥४३॥ सद्धिं सुहवण्णेणं कलाकलावण तारतारुणं । जायं तीसे सिंगारगारवुग्गारपरिकलियं ॥ ४४ ॥ कइयावि सा सहीयणसहिया मणिमत्तवारणासीणा । गयणे जंतं चारणमुणिंदमिक्खिय गया मुच्छं ॥ ४५ ॥ चंदणरसच्छडासेयसिसिरकिरिओवलद्धचेयन्ना । संसुसहीहिं सा पुच्छिया तुमं मुच्छिया किमिह ॥ ४६॥ आयन्नहत्ति जंपिय सा मुच्छाकारणं कहइ तासि । संसारसरूवंपिव अत्थि अरन्नं अदिद्रुतं ॥४७॥ गुरुभूरिसाहिसाहासहस्सअंतरियअंतरिक्खंमि । सावयभीउव जहिं पक्खिवइ करे न सूरोवि ॥ ४८ ॥ पेच्छिज्जंतकुरंगं दरिद्दगामीण देवहरयं व । जं विगयरायचित्तं विरायए केवलिकुलं व ॥४९॥ तरुणो व विलसिरवओ विसालतो सरसकमलनियरो व। तत्थप्पसरियसालो अत्थि वडो पुरनिवेसोब ॥ ३५० ॥ बालायवदलनिम्मावियं व सवंगपिंगपहरोमं । अचंतचंचलं जं तरुणीअणुरायरइयं व ॥ ५१ ॥ धरमाणमरुणवयणं मसिणियघणघुसिणरसविम्मिस्सं व । वानरजुयलं परिवसइ पायवे तम्मि घणनेहं ॥ ५२ ॥ जुयलं ॥
॥१०॥