________________
• વિશ્વની આધ્યાત્મિક અજાયબીઓ
સંયમીઓ ! વિનય તો જિનશાસનમાં મૂળ છે, એની ઉપેક્ષા કરનારો સંયમી જિનશાસનની જ ઉપેક્ષા કરે છે.
હવે તમે જ મને કહો કે જો આવા મહાન સાધુ પણ આવો વિનય આચરતા હોય, તો આપણે બધાએ શું કરવું જોઈએ? આપણે આ બધું શીખવું નથી? સાચા-સારા-શ્રેષ્ઠ સંયમી બનવું નથી? બધાની ભાવના આવી તો છે જ ને? તો પછી એનો સાચો માર્ગ આ જ છે કે ગુરુના, વડીલના અને ગુણિયલ નાનાઓના પણ વિનયમાં લેશ પણ ખામી ન આવવા દેવી. પ્રભુએ ઉત્તરાધ્યયનના ૩૬મા અધ્યયનમાં સર્વપ્રથમ અધ્યયન આ જ રાખ્યું છે, એનો સંદેશ પણ આ જ છે કે સંયમીઓએ પહેલા તો વિનયી જ બનવાનું છે.
ચાલો, આપણે સૌ પ્રભુના આ સંદેશને આત્મસાત્ કરીએ, ગૌતમસ્વામીને આપણો આદર્શ બનાવીએ અને વહેલા વહેલા પરમપદને પામીએ.
સૌ મારી ક્ષમાપના સ્વીકારજો
(પૂજ્યપાદ ગુરુદેવશ્રી શાસનપ્રભાવક પંન્યાસપ્રવર શ્રી ચન્દ્રશેખરવિજયજી મ.સાહેબ શ્રાવણ સુદ-૧૦, વિક્રમ સંવત ૨૦૬૭, બપોરે ૧૨-૩૯ની આસપાસના સમયે જ અમદાવાદ આંબાવાડી જૈનસંઘના ઉપાશ્રયમાં જ સમાધિપૂર્વક કાળધર્મ પામેલ છે.
છેલ્લા કેટલાક દિવસો-મહિનાઓથી તેઓશ્રી શરીરની અશક્તિના કારણે બોલી શકતા ન હતા. કોઈક કોઈક દિવસ, થોડુંક થોડુંક બોલી શક્યા હતા.
પણ એ પૂર્વે જ્યારે એમની વાગ્ધારા અસ્ખલિતપણે વહેતી હતી ત્યારે એમણે પોતાના હૈયાના જે ભાવો રજૂ કરેલા, એ આધારે એમ ચોક્કસ કહી શકાય કે અંતિમ દિવસોમાં - પળોમાં પ્રગટ-અપ્રગટરૂપે, તેઓશ્રીના આત્મામાં લબ્ધિરૂપે કે ઉપયોગરૂપે એ ભાવો ચોક્કસ પડેલા જ હશે.
પૂજ્યપાદ ગુરુદેવશ્રી સ્વયં પોતાના ભાવો રજૂ કરત તો તો હજારો સંયમીઓને એમની એ અમૂલ્ય-અવર્ણનીય ભાવધારાનો સાક્ષાત્ સ્પર્શ કરવા મળત.
અમારી પાસે એમની ભાવધારાને એમના જ શબ્દોમાં મૂકવાની શક્તિ નથી જ, છતાં “ન મામા કરતાં કહાણો મામો સારો'' એ ન્યાયે એમની પવિત્રતમ ભાવધારાને શબ્દોમાં ૨જૂ ક૨વા પ્રયત્ન કરીએ છીએ.. એમની સર્વોત્તમ ભાવધારાના લાખમાં ભાગ જેટલું પણ અમે શબ્દોમાં રજૂ કરી શકવાના નથી, એટલે સૌ આ લખેલું લાખગણું કરીને વાંચશો, અને અમારી આ ઊણપને - ખામીને માફી આપશો એ જ એકમાત્ર અભ્યર્થના)
૨૬
