________________
• વિશ્વની આધ્યાત્મિક અજાયબીઓ
મને ખૂબ આનંદ થયો. ૨૫ વર્ષના દીક્ષાપર્યાય પછી પણ એ મહાત્મા નિર્દોષ પાણી માટે સ્વયં આટલી કાળજી કરનારા હતા. એ પછી રાત્રે શાંતિથી એમની સાથે બેઠો ત્યારે એમણે મારા પ્રશ્નોને અનુસારે ઘણી વાતો કરી.
પ્રશ્ન : બારે મહિના નિર્દોષ પાણી મળી રહે છે?
ઉત્તર ઃ જુઓ ચોમાસાના ચાર મહિના તો દરેક સ્થાને એવા શ્રાવકઘરો મળી જ જાય છે કે જ્યાં નિર્દોષપાણી મળી રહે. શિયાળા-ઉનાળામાં પણ જો જૈનોના ઘરો હોય તો આઠમચૌદશના દિવસે કંઈને કંઈ તપ કરનારા શ્રાવક-શ્રાવિકાઓના ઘરે ઉકાળેલું પાણી મળી રહે. એ સિવાય પણ કેટલાક સ્થાને બારેમાસ ઉકાળેલું પાણી પીનારા ધાર્મિક ગૃહસ્થો હોય છે. હા! જ્યાં આવું કશું ન હોય ત્યાં પણ મને ખબર ન હોવાથી કોઈક સ્થાનિક શ્રાવકને જ પૂછી લઉં કે ‘‘અહીં કોઈ ઉકાળેલું પાણી પીનારા છે ?...' એમ બે-ચાર જણને પૂછવાથી જો પીનારા મળી જાય તો સારું... આ બધા પ્રયત્નો પછી પણ જો પાણી ન મળે તો પછી છેવટે આંબિલ ખાતાનું પાણી લઉં કે જે સાધુ-સાધ્વી માટે થતું હોવાથી આધાકર્મી હોય છે અથવા તો મિશ્ર હોય છે.
પ્રશ્ન : પણ ખાલી પાણી માટે આ બધી ઝંઝટ કરવાનો કંટાળો નથી આવતો ?
ઉત્તર : તમે ‘ઝંઝટ૩ શબ્દ બોલો છો એ જ આશ્ચર્ય છે. ગોચરી માટે આપણે આ બધો પ્રયત્ન કરીએ જ છીએ ને ? ત્યાં ‘ઝંઝટ’ નથી લાગતી, તો આ ‘ઝંઝટ’ શા માટે ? ઊલટું મને તો ખૂબ જ આનંદ આવે છે. ક્યારેક તો અડધો-પોણો કિ.મી. દૂર પણ પાણી લેવા જવું પડે છે. પણ એ વખતે મારો હર્ષ તો વધી જાય છે.
બાકી જેને આ ‘ઝંઝટ’ લાગે, એને માટે તો આખું સાધુજીવન ‘ઝંઝટ’ જ છે ને ? જાતે કપડા ધોવા ‘ઝંઝટ’ નથી? વાહનવ્યવહારની ભરપૂર સગવડ હોવા છતાં ચાલીચાલીને પગ તોડી નાંખવા, છોલી નાખવા એ ઝંઝટ નથી? હજામોની કતાર લાગી હોવા છતાં વાળો ખેંચીખેંચીને ભારે દુઃખી થવું એ ‘ઝંઝટ’ નથી? વિજ્ઞાનના બેનમૂન સાધનોનો લાભ આખું વિશ્વ લઈ રહ્યું હોવા છતાં એ જ બળદગાડાના યુગમાં જીવતા હોઈએ એમ ટી.વી., કમ્પ્યૂટર વગેરેનો બિલકુલ ઉપયોગ ન કરીને બાઘા રહેવું એ ઝંઝટ નથી?
મોક્ષાર્થી માટે સંયમની પ્રત્યેક ચર્ચા મહાનન્દ છે, તો ભવાભિનન્દી માટે પ્રત્યેક ચર્ચા ઝંઝટ
છે....
એ મુનિરાજે મારા મોઢામાંથી નીકળી ગયેલા ‘ઝંઝટ’ શબ્દ માટે મને શાંતિથી છતાં વ્યવસ્થિત પકો આપ્યો.
૪૭
