________________
€ વિશ્વની આધ્યાત્મિક અજાયબીઓ
+ – ઓઘો-પાત્રા વગેરે અમુક કાર્યો સિવાય સાધ્વીજીને કોઈ કાર્ય સોંપવું નહિ. - સાધ્વીજીઓએ વહોરેલા ઉપકરણો-દવા વગેરે બિલકુલ લેવા નહિ.
– સૂર્યોદય પહેલા અને સૂર્યાસ્ત બાદ દેરાસરે દર્શન માટે જવું નહિ, તથા સૂર્યાસ્ત પહેલા જ તમામ વડીલ મહાત્માઓને વંદન કરી લેવા. (સૂર્યાસ્ત બાદ વંદન કરવા એ બરાબર નહિ.)
– તમામ સાધુઓ સાંજે બે ઘડી પહેલા પાણી ચૂકવી દે, સૂર્યાસ્ત પહેલા જ વંદન પચ્ચખાણ કરી લે.
– રેશમી વસ્ત્રો, રેશમી ઝોળીયા વાપરવાના નહિ. - મુહપત્તી-કપડા વગેરેમાં દોરા નંખાવવાના નહિ.
– ઓઘાનો પાટો સફેદ રાખવાનો. એમાં અષ્ટમંગલનું ભરતકામ કે માત્ર આલેખન–ચિત્રામણ પણ કરાવવાનું નહિ. સાદો પાટો વાપરવાનો.
- જ્યારે સંઘમાં ઘણા આંબિલો હોય કે વર્ષીતપના બેસણા હોય ત્યારે સહજ રીતે જ નિર્દોષ પાણી વધુ પ્રમાણમાં મળે... તે વખતે જ કાપ કાઢવાનો.
– ઉપાશ્રયમાં અંધારુ હોય તો પણ લાઈટ કરાવવાની નહિ (ધીમે ધીમે જયણાપૂર્વક કામ કરવાના કારણે વિશેષ મુશ્કેલી ન પડે...)
– લગભગ બધા જ સાધુઓ ૧૨ માસમાંથી ૮ માસ તો આંબિલ જ કરે. એમાં પણ નિર્દોષ આહારની ગવેષણા પાકી કરે. જેઓ ઓળી ન કરે તેઓ પણ પાંચતિથિ આંબિલ કરે.
- બધા સાધુઓ સવારનું પ્રતિક્રમણ એક જ સ્થાપનાચાર્યજીની સામે માંડલીમાં બેસીને મનમાં બોલીને કરે. સાંજના પ્રતિક્રમણમાં જો શ્રાવકો ન આવવાના હોય તો સૂર્યાસ્ત બાદ તરત પ્રતિક્રમણ શરૂ થઈ જાય
– પ્રતિક્રમણ બાદ બધાએ સ્વાધ્યાય કરવાનો. પોરિસી આવે, ત્યારે પોરિસી ભણાવવાની. સૂર્યોદય સુધી બધા મૌન રાખે. (મનમાં કે ધીરા સ્વરે પાઠ કરે...)
આ બધું સંયમજીવનનું સૌંદર્ય નિહાળ્યું. આ વંદના ગુરુરાજનું સ્વાધ્યાયક્ષેત્ર પણ ઘણું વિશાળ છે. તે આ પ્રમાણે
પ્રશ્નોત્તર ગ્રન્થોઃ હીરપ્રશ્ન – સેનપ્રશ્ન – વિવિધ પ્રશ્નોત્તર – પ્રશ્નોત્તર ચિંતામણી – પ્રશ્નોત્તર રત્નચિંતામણી – લબ્ધિપ્રશ્ન – પ્રશ્નોત્તરકર્ણિકા – પ્રશ્નપદ્ધતિ.
પ્રકરણ ગ્રન્થો : ચારપ્રકરણ - ત્રણ ભાષ્ય – ૬ કર્મગ્રન્થ (મૂળ-ટીકા-ભાવાર્થ) ચાર વાર બીજાઓને ભણાવ્યા. બૃહત્સંગ્રહણી - પંચસંગ્રહ - હિતોપદેશ - વિચાર રત્નાકર - અષ્ટકષોડશક-બત્રીસ-બત્રીશી (ત્રણવાર) – અધ્યાત્મસાર - ઉપદેશરહસ્ય - ઉપદેશપદ - પંચસૂત્ર -
