________________
વિશ્વની આધ્યાત્મિક અજાયબીઓ
શેઠે કહ્યું કે “મારી તો હા છે. પણ તારા પિતાતુલ્ય સ્ટેશનમાસ્તરની રજા લઈ લઉં.” શેઠે સ્ટેશનમાસ્તરને બધી વાત જણાવી. તે પણ જાતે આવીને આચાર્યદેવને મળી ગયા. જૈન સાધુના જીવન અંગે પ્રશ્નોત્તરી કરીને બધું જાણી લીધા બાદ એમને પૂર્ણ સંતોષ થયો અને દીક્ષાની રજા આપી. અને શેઠે દીક્ષાનો તમામ ખર્ચ પોતાના મસ્તકે ઉપાડી લઈ ધામધૂમથી દીક્ષા કરાવી, દીક્ષામાં સ્ટેશનમાસ્તરે માતા-પિતા તરીકેની બધી જવાબદારી નિભાવી.
આ વાતને આજે લગભગ પચાસ વર્ષ પસાર થઈ ચૂક્યા છે. આજે એ છોકરો ૬૫-૭૦ વર્ષની ઉંમરે પહોંચ્યો છે. આટલા વર્ષના વિશાળ દીક્ષાજીવનમાં એણે ઘણો સ્વાધ્યાય કર્યો, ઘણી આરાધનાઓ કરી. આજે એ આચાર્યપદ પર બિરાજમાન છે, પોતાના સમુદાયના ગચ્છાધિપતિ છે.
વિક્રમસંવત ૨૦૬૪-૬૫નું ચાતુર્માસ આ આચાર્યદેવે સુપાર્શ્વનાથ વાલકેશ્વર જૈનસંઘમાં કરેલું હતું.
ધન્ય છે એ સ્ટેશન માસ્તરને !
ધન્ય છે એ મારવાડી શેઠને !
ધન્ય છે એ બાલ મજુરને કે જે બન્યા કથિરમાંથી કંચન !
તો ધન્યાતિધન્ય છે એ જિનશાસનને ! જે આવા આત્માઓને ધન્ય બનાવે છે.
ગૌતમસ્વામીના વારસદારો જીવંત છે !
“દસ વાગ્યા સુધી પાઠ કરવાનો, એ પહેલા ઉંઘવાનું નહિ. બરાબર ? હું દસ વાગે આવીશ. હું કહું, પછી સંથારો કરજે.” સુરતના એક ઉપાશ્રયમાં ગુરુએ શિષ્યને ઉપર મુજબ સૂચન કર્યું. ગૌતમસ્વામી તરીકે પ્રસિદ્ધિ પામેલ એ મુનિરાજ !
ગુરુની પ્રત્યેક વાત ભગવાનની આજ્ઞા માની સ્વીકારનાર એ મુનિરાજ !
સમર્પણમાં તો આમનો જોટો ન જડે' એવી જબરદસ્ત પ્રસિદ્ધિ પામેલા એ મુનિરાજ ! ભરયૌવનવયમાં પણ ઉશ્રુંખલતાને બદલે નમ્રતા-પરતંત્રતાને આત્મસાત કરી ચૂકેલા એ મુનિરાજ !
‘હા જી' કહીને મુનિ ત્યાં બેસી સ્વાધ્યાય કરવા લાગ્યા.
દસ વાગી ગયા, પણ ગુરુ તો ન આવ્યા.
અગિયાર વાગી ગયા, તો પણ ગુરુ ન આવ્યા.
જ્યાં સુધી ગુરુ આવીને ઉંઘવાનું ન કહે, ત્યાં સુધી મારાથી ઉંઘાય કેમ ? એ વિચારથી મુનિ ત્યાં જ બેસી રહ્યા.
૧૧૪
