________________
વિશ્વની આધ્યાત્મિક અજાયબીઓગાથાઓ ખૂબ ગોખો.
એ હતા અધ્યાત્મયોગી !
ગાથાઓ ગોખાવવાનો એમનો આગ્રહ ઘણો !
પોતાના શિષ્યોને અને સાધ્વીજીઓને ગાથાઓ બરાબર ગોખાવડાવે.
રાત્રે આ આચાર્યશ્રી પોતાના શિષ્યોની ગાથાઓ સાંભળે, ભૂલ પડે તો સુધારે. પોતાના નજીકના જ સ્વજનો એમના શિષ્યો બનેલા, પણ તેઓ પણ જો ગાથા ન ગોખે, તો એમને ય ઠપકો આપ્યા વિના ન રહે.
Tu
બે શિષ્યો આચાર્ય પાસે બેસી વારાફરતી એકપછી એક ગાથાઓ બોલે, એમાં જો કોઈક શિષ્ય ઝોખા ખાય, ઉંઘવા લાગે, તો તરત ધીમેથી ટપલી મારીને જગાડે અને બરાબર પાઠ કરાવે. એમના આ પરિશ્રમને કારણે એ સમુદાયમાં આજે ઘણા સાધુ-સાધ્વીઓ હજારો ગાથાઓ ગોખી ચૂક્યા છે.
આજે તો એ મહાયોગી હાજર નથી. પણ એમના સમુદાયના વિદ્વાન-સ્થવિર મહાત્માઓ પણ એવા છે કે જેમને આજે ૨૫ થી ૩૦ હજાર ગાથાઓ ઉપસ્થિત છે. ક્યાંક કાચું થાય, તો પાકું કરી લે છે. સાંભળ્યું છે કે એમના સમુદાયના પ્રાયઃ એકપણ સાધુ-સાધ્વીજી એવા નહિ હોય, જેમને ઓછામાં ઓછી ત્રણેક હજાર ગાથા ગોખી ન હોય.
=
આ સમુદાયની કેટલીક વિશિષ્ટતાઓ. → આખા ય ગચ્છમાં આચાર્ય ગચ્છાધિપતિ માત્ર એક જ ! બીજા મહાત્માઓ વિદ્વાન-સ્થવિર હોય, તો પણ તેઓ વધુમાં વધુ પંન્યાસપદવી જ લે છે. અર્થાત્ આ ગચ્છમાં આચાર્ય નહીં.
→ આ ગચ્છમાં એ જ દીક્ષા લઈ શકે કે જેને આખી જીંદગી માટે ચાનો ત્યાગ હોય. કેમકે ગુરુ પરંપરાથી આ ગચ્છમાં એ નિયમ ચાલ્યો આવે છે કે નાના કે મોટા, ઘરડા કે યુવાન, ગુરુ કે શિષ્ય કોઈએ પણ ચા પીવાની નહિ.
→ સાંજનું પ્રતિક્રમણ બધાએ ભેગા મળીને માંડલીમાં જ કરવાનું. માંડલી બહાર કોઈપણ પ્રતિક્રમણ ન કરી શકે.
(આ વાંચનારાઓમાંથી કેટલાકના મનમાં એવા પ્રશ્નો પણ ઉભા થાય કે
→ સૂત્ર કરતા અર્થનું મહત્ત્વ વધારે છે, સૂત્રનો આટલો આગ્રહ રાખવા કરતા અર્થનો આગ્રહ રાખે તો સારું.
→ એક જ ગચ્છમાં ઘણા આચાર્યો હોઈ શકે છે, એ શાસ્ત્રીય છે. એક જ આચાર્યનો આગ્રહ શા માટે ?
→ ઉત્સર્ગ-અપવાદમય જિનશાસન છે. અપવાદમાર્ગે ચા પી શકાય. એટલે માત્ર ચાના વ્યસનવાળાને એ ચાના કારણે દીક્ષા ન આપવી એ કેવી રીતે યોગ્ય ગણાય ?
૧૦૯૪
