________________
વિશ્વની આધ્યાત્મિક અજાયબીઓ
ધન્ય છે એમની નિઃસ્પૃહતાને !”
(દરવર્ષે આ ભારતમાં ઉપધાનતપમાં માળની ઉછામણી નિમિત્તે કરોડો રૂપિયાની દેવદ્રવ્યની આવક થાય છે. શ્રાવકો ખૂબ ઉદારતા અને ઉલ્લાસ દર્શાવે છે, અને મોટાભાગની ૨કમો ભરપાઈ પણ થાય છે. જો એ રકમ તે તે ટ્રસ્ટોમાં રાખી મૂકવાને બદલે ભારતભરના સેંકડો સંઘોમાં જરૂરિયાત પ્રમાણે એ રકમ તરત વહેંચી દેવામાં આવે તો દેવદ્રવ્યનો સાચો-સુંદર ઉપયોગ થાય. ટ્રસ્ટમાં રખાયેલી એ સંપત્તિ દ્વારા માછલા ઉદ્યોગાદિ હિંસક કાર્યોને પ્રોત્સાહન મળતું અટકે. શ્રાવકો પણ અનેક પ્રકારના પાપોમાંથી બચી જાય.
આ આદર્શ સૌ અપનાવે તો ઘણું સુંદર !)
ઘણા મોટા છતાં ઘણા નાના : એક પંન્યાસજી
સાધુઓના એક વિરાટ વૃંદમાં બીજા-ત્રીજા નંબરે રહેલા એક અનુભવી પંન્યાસપ્રવરના જીવનની કેટલીક આદર્શભૂત વિશેષતાઓ : (ક) ૧૦૦ + ૨૩ વર્ધમાનતપની ઓળી (ખ) ૧ વાર સળંગ ૫૦૦ આંબિલ.
(ગ) ૧ વાર સળંગ ૧૦૦૦ આંબિલ.
(ઘ) એક વર્ષીતપ એકાસણાથી કર્યો. જેમાં પાંચ વિગઈઓનો મૂળથી ત્યાગ કર્યો.
(ચ) ૧ વાર શ્રેણીતપ (આશરે ૧૧૦ દિવસનો તપ, એમાં ૮૨ ઉપવાસ, ૨૮ એકાસણા) જેમાં તમામ ઉપવાસ ચોવિહાર કર્યા અને આ તમામ દિવસોમાં રોજ વ્યાખ્યાન તો ચાલુ જ. એક જ દિવસ પારણું કરી તરત ૨૨મી ઓળી ઉપાડી, એમાં જ ૨૫૦ કિ.મી.નો વિહાર કર્યો. (છ) એક સિદ્ધિતપમાં છેલ્લે માસક્ષમણ કર્યું, ૧૫ ઉપવાસ વધુ કરીને સિદ્ધિતપ પૂર્ણ કર્યો. (જ) એ ગ્રુપના સાધુઓ કહે કે “ આ અમારા પંન્યાસજી રાત્રે ઊંઘ લે છે કે નહિ ? એ જ અમને ખબર નથી પડતી. શિયાળામાં અમે ૨ાત્રે ૧૨-૨-૪ વાગે માત્રુ માટે ઉઠીએ છીએ, ત્યારે એમને બેસીને જાપ કરતા જ જોઈએ છીએ. અમને આશ્ચર્ય થાય છે. ભાગ્યે જ એવું બન્યું છે કે અમે રાત્રે ઊઠ્યા હોઈએ અને અમે એમને સંથારામાં ઊંધેલા જોયા હોય.” (માંડ ત્રણેક કલાક આરામ લેતા હશે....)
(ઝ) એ માત્ર તપસ્વી, જપસ્વી જ નથી, સાથે સ્વાધ્યાયી પણ છે... સ્વાધ્યાય માટેનો એમનો ઉત્સાહ અદ્વિતીય ! સાવ નાનો સાધુ પણ જો એમને મનગમતા વિષયો ભણાવતો હોય, તો એની પાસે ભણવા બેસી જાય. લેશ પણ શરમ નહિ. એ નાના સાધુની સામે એક શિષ્યની માફક બેસી જાય. એમણે છેદગ્રન્થાદિ ઘણા ગ્રન્થોનો અભ્યાસ કર્યો છે.
૬૩
