________________
- વિશ્વની આધ્યાત્મિક અજાયબીઓ
+ સંસારીજીવનનો ઉછેર !... આ બધા વિષમતમ પરિબળો વચ્ચે આટલી બધી ગુણવત્તા કેળવી લેવી એ આશ્ચર્ય જ નહિ, મહા આશ્ચર્ય છે. શાસ્ત્રકારો તો એમ કહે છે કે “વાર્તામિUTI. આ અનાદિકાળમાં જીવો અનાદિ કુવાસનાથી વાસિત હોવાથી તેમનામાં દોષોના ઢગલેઢગલા જ જોવા મળે એટલે જ જો કોઈનામાં એકાદ ગુણ પણ સાચો દેખાઈ જાય તો એ મોટું આશ્ચર્ય માનજો.”
હવે આ મહાત્મામાં તો એક નહિ પણ વૈયાવચ્ચ – નિર્મળબ્રહ્મચર્ય – અપાર સહિષ્ણુતા - સ્વાધ્યાયરસિક્તા – પરોપકારિતા - દાક્ષિણ્ય - નમ્રતા - સરળતા... ગુણોની ફોજ જમા થયેલી જોવા મળે છે. આ માત્ર ગોખી કાઢેલા ગુણોનું લિસ્ટ આપવામાં નથી આવ્યું. પણ એમની સાથે રહેનારા કોઈને પણ જે ગુણોની સ્પષ્ટ પ્રતીતિ થયા વિના ન રહે એવા આ ગુણો છે.)
વૈયાવચ્ચનો પ્રકાર આવો પણ હોઈ શકે ખરો ? એ વૃદ્ધ મુનિરાજને ઊંઘમાં સાયકલ ચલાવવાની બિમારી હતી. અર્થાત્ જેમ સાયકલ ચલાવનારના પગ હલન-ચલન પામે, એ રીતે આ વૃદ્ધ મુનિ પણ ઊંઘમાં પગ હલાવે. જોનારાને એમ જ લાગે કે જાણે એ સાયકલ ચલાવી રહ્યા છે.
પણ આનું નુકસાન ભારે હતું. ઘડપણના કારણે હોજરી નબળી પડેલી જ હતી, એમાં વળી આ રીતે ઊંધમાં પગ હલાવે એટલે ઘણીવાર એમને ઊંઘમાં ઝાડા થઈ જતા, સ્પંડિલના કારણે ચોલપટ્ટાદિ વસ્ત્રો બગડતા.
આ ઘરડા મુનિવાળું આખુ ગ્રુપ વૈયાવચ્ચ માટે અતિપ્રસિદ્ધ છે. કોઈપણ વૃદ્ધ મહાત્માની સેવા કરવા માટે આ ગ્રુપ હંમેશા તૈયાર ! આજે પણ આ ગ્રુપમાં પાંચ-છ વૃદ્ધો છે. પણ વૈયાવચ્ચીઓ બેહદ સેવા કરે છે. એક પણ વૃદ્ધને અસમાધિ ન થવા દેવાની પુષ્કળ કાળજી કરે છે. એમાંય મુખ્ય વૈયાવચ્ચી પંન્યાસજી તો કંઈક અવનવા જ વૈયાવચ્ચી તરીકે જુદા તરી આવે છે.
આ વૃદ્ધ મુનિના કપડા જ્યારે આ રીતે રાત્રે બગડે, ત્યારે રાત્રે જ એ કપડાનો કાપ કાઢવાનું કામ આ વૈયાવચ્ચીઓ કરે.
એક દિવસ
ગમે તે કારણે માત્ર અડધો-પોણા ઘડા જેટલું જ ચૂનાનું પાણી નીકળ્યું. વ્યવસ્થાપકે વિચાર્યું કે “ચાલી જશે, વાંધો નહિ આવે.” અને એ જ રાત્રે એ વૃદ્ધ મહાત્માને ઝાડા છૂટી ગયા. પહેલા તો કોઈને ખબર ન પડી. પણ ખબર પડતા જ તરત એ કપડા બદલાવ્યા.
મોટો પ્રશ્ન એ થયો તે બગડેલા ચોલપટ્ટા – ઉત્તરપટ્ટાદિનો કાપ કાઢવો શી રીતે શક્ય બને? કેમકે પાણી હતું માત્ર અડધો ઘડો !
