________________
~~~~~~~ વિશ્વની આધ્યાત્મિક અજાયબીઓ ~-~~-~એ હતી કે તમને સૌને ઉત્તમ કોટિના સંયમી બનાવવા, જ્ઞાની બનાવવા અને તમને મોક્ષમાર્ગે આગળ ધપાવવા..
એટલે જ સ્નેહસભર હૈયાને દબાવી રાખીને હું વારંવાર કડક બન્યો છું. હું તમારામાં નાનું પણ અસંયમ સેવન જોઈ ન શકતો, અને માટે જ ઠપકો પણ આપી બેસતો. કદાચ એટલે જ મારી છાપ કડક, આચારચુસ્ત સાધુ તરીકેની છે.
આ કડકાઈના કારણે તમને અણગમો થયો જ હશે, મારી કડકાઈ ક્યારેક તમને ભારે પણ લાગી હશે. મારો ઠપકો ક્યારેક તમને આઘાત પમાડનારો પણ બન્યો હશે, મારી લાલ આંખથી ક્યારેક તમને સંસાર લીલો બાગ લાગવા માંડ્યો હશે.
આ બધું જ શક્ય છે. હવે તો હું જાઉં છું,
બસ! હવે તમારે કોઈ ચિંતા નહિ રહે. હવે તમને કોઈ ઠપકો નહિ આપે, કોઈ નહિ અટકાવે, કોઈ તમારી સામે લાલ આંખ નહિ કરે.. હવે તો તમારે શાંતિ ને?
ના! ના! જો તમે ખરેખર મારા શિષ્ય - પ્રશિષ્ય હો, તો તમને.. વધુ કશું જ કહેવું નથી. કોઈ હિતશિક્ષા આપવી નથી, બસ એટલું જ.... શક્ય હોય તો તમારા આ કડક ગુરુને માફ કરજો.. શક્ય હોય તો તમારા આ કડક ગુરુની કડકાઈ પાછળની હૈયાની મીઠાશને યાદ કરજો...
શક્ય હોય તો તમારા આ છવાસ્થ ગુરથી તમને જાણે-અજાણે જે કોઈપણ અન્યાય થયો હોય, એને ઉદાર હેયે ભૂલી જજો...
શક્ય હોય તો તમારા આ ગુરુને પરલોકમાં જવા માટે તમારી તપ-સંયમાદિની આરાધનામાંથી એકાદ ટકો પણ સાથે ભાથું બાંધી આપજો...
મારા પ્યારા શિષ્યો! ખૂબ ઉત્તમ સંયમજીવન જીવજો. ખૂબ વિશિષ્ટ કોટિનો સ્વાધ્યાય કરજો. ખૂબ વિશિષ્ટ કોટિનો સ્વભાવ કેળવજો. તમારા આ ગુરુની અંતિમ શિક્ષા અંતિમ પળ સુધી યાદ રાખજો.
(શ્રેષ્ઠ વૈયાવચ્ચી શિષ્યો-પ્રશિષ્યો પાસે ક્ષમાની પ્રાર્થના) હું સમયની બાબતમાં ચુસ્ત છું, કડક છું. એ બધા જ જાણે છે, એટલે જ મારી વૈયાવચ્ચ કરવી એ સરળ કામ નથી. વૈયાવચ્ચનું કોઈપણ કામ સમયસર થવું જોઈએ, બરાબર થવું જોઈએ, એ ન થાય તો ગુરુ તરીકે હું કડક શિક્ષા આપી જ દઉં..
૨૯
