________________
થોડી પીડા વધુ સહન કરીશ. તે કેદીએ પ્રયોગ માટે સંશોધકોને સંમતિ આપી. સંશોધકોએ તે કેદીને કહ્યું કે અમે જે ઝેરનાં ઈંજેકશનનો તારા પર પ્રયોગ કરવાના છીએ તેનો પહેલો પ્રયોગ તારી સામે જ આ બિલાડી પર કરીશું. તું તે જોઈ લે ! બિલાડીને ઝેરનું ઇજેકશન આપવામાં આવતા બરાબર ૪૦ મિનિટ સુધી તે પીડા અને વેદનાથી તરફડી અને પછી મૃત્યુ પામી. કેદીએ આ ભયંકર દ્રશ્ય પોતાની આંખથી જોયું. આવી જ રીતે આવતીકાલે મારું મૃત્યુ થશે તેના સતત વિચારો કેદી કર્યા કરતો હતો.
બીજે દિવસે સવારે સંશોધકો આવ્યા, તેણે કેદીને ઈજેકશન આપ્યું. થોડીવારમાં તે તરફડવા લાગ્યો. તેના મુખ પર અસહ્ય દર્દ, વેદના અને પીડા જણાતા હતાં. બરાબર ૪૫ મિનિટ પછી મૃત્યુ પામ્યો.
આશ્ચર્યની વાત તો એ છે કે તેને ઝેરનું નહીં પણ ફક્ત પાણીનું ઈજેકશન આપવામાં આવ્યું હતું. છતાંય બિલાડી કરતાં વધુ પાંચ મિનિટ પીડા પામી તે કેમ મૃત્યુ પામ્યો ? કારણ સતત ૨૪ કલાક મૃત્યુના વિચારે તેને ભયભીત કરી દીધો હતો. તેની વિચારધારામાં સંપૂર્ણ ભયસંજ્ઞાનું પરિણમન થયું હતું અને તે જ તેના મૃત્યુનું કારણ હતું. આ ઉપરથી જણાશે કે, સાચા ઝેર કરતાં Negative thinking નકારાત્મક વિચારનું ઝેર વધુ ભયાનક છે.
વિચારમંથનની પરાકાષ્ઠા એટલે વિચારશૂન્યતા. વિચારશૂન્ય ક્ષણ અંતરમુખ થવા માટે કિંમતી પળ છે. તે સ્થિતિએ પહોંચવા માટે યોગ, પ્રેક્ષાધ્યાન અને વિપશ્યના સહાયક થાય છે.
વિચાર એક કલા છે, એક સાધના છે. આ સાધના દ્વારા અશુભ વિચારના મરણથી શુભ વિચારધારા પ્રતિ જઈ શકાય જે મંગળમય અને કલ્યાણકારી છે.
આપણને સર્વ દિશાઓથી શુભ વિચારો પ્રાપ્ત થાઓ એ જ ભાવના.
