Book Title: Manorama Kaha
Author(s): Vardhmansuri, Rupendrakumar Pagariya
Publisher: L D Indology Ahmedabad
View full book text
________________
गंधपूयाफले सोममहाणकहा गंधिलो। पिया तत्थेव ठिओ । माया वि तत्थेवागया। ओसहिवलय-माहप्पेण लक्षाणि नाणाविहाणि णिहाणाणि । उब्भियाओ घरोवरि बत्तीसं कोडिपयागाओ । मयमत्तकरिवरो व्व दीणाणाहतक्कूयाण दाणं दितो न विरमइ गंधिलस्स दाहिणकरो। असाहारण-चायगुणावज्जिओ सव्वो वि गामागरनगर-जणवय-जणो गुणगाही जाओ गंधिलस्स । जओसव्वु वि लोउ तडप्फडइ वइत्तणह कएण। वड्डत्तणु पुणु पावियइ हत्थि मोक्कलएण ॥२३९।।
एवं च सयलजणसलाहणिज्ज तिवग्गसारं विसयसुहमणुहवंतस्स वच्चंति वासरा । समुप्पण्णा मयणमंजरीए दोण्णि पुत्ता।
अण्णम्मि दिणे वासभवणपल्लंके समं मयणमंजरीए जहासहं कीलिऊण सुत्तो गंधिलो । सणियं उठ्ठिया मयणमंजरी । उग्घाडियं वासभवणदारं । सोऊण पयसंचार विबद्धो गंधिलो । विम्हियमाणसो अलक्खिओ चेव निग्गी तयणुमग्गेण । गया सा उट्र-उड-विणिग्गय-विसम-दसणावलीवियराल-वयणस्स, बल्लय-विवर-वियडरंधचिविड-नासा वसस्स, सुप्पसमाणसवणजुयलस्स, पुडिय-कविल-कक्कसासणिद्धकसकलियस्स, गय-नयण-करह-कंधरस्स, विणिग्गयककुह-लंबीयरस्स, तुंदिलाभिहाणस्स घरदासस्स समीवे। संवसिया तेण सह । एयं दट्टण वढिय-विसाओ वलिऊण नुवष्णो पल्लंके गंधिलो । थेववेलाए समागया मयणमंजरी वि। ठिओ सत्तावेडएण । पभाया रयणी । कय-गोसकिच्चो विसय-विसावेग-विहुरियमाणसो विसयासेवणपरम्मुहो संवेगमावण्णो वि चितिउमाढत्तो-- हंसेण समं रमिऊण कमलिणी रमइ महयरेणा वि। सियकसिणनिव्विसेसाई होंति महिलाण हिययाई ।२४०। न गणइ कुलाभिमाणं न य इहलोयं न यावि परलोयं । नियकुल-कलंककारी नारी चल्लतिया मारी ।।२४१॥ नारी अयसनिवासो कवडकुहेडाण मंदिरं नारी। नारी नरयमहापुरपायडपयवी विणिद्दिट्टा ॥२४२।। महिला अलीअकुलहरं महिला लोयम्मि दुच्चरिय-खेत्तं । महिला वेर-महीरुह-महल्लमूलं महीवेढे ।।२४३।। मुहमहरा परिणइदारुणा य दीसंत संदरामहिला। किपागफल-सरिच्छा महिला मलं अणत्थाण ॥२४४।। महिलासत्ता पुरिसा अम्मा-पियरं गणंति तिणतुल्लं । अहह हयासा महिला मूलस्स वि कित्तए अप्पा ।।२४५।। कंदररहिया वग्घी विसूइया भोयणं विणा महिला । पंक विणा कलंको महिला वाय]णिज्जसयखाणी ।। महिला सोय विरहिया अरज्जुयं बंधणं जए महिला। खणरत्त-खण विरत्ता हरिद्द-रागोवमा महिला ॥२४८।। करिकण्ण-चवल-चित्ता कयंत चित्तं व निग्घिणा महिला। महिला सच्चविहीणा अणब्भ-वज्जासणी महिला ।।
अहो ! इमीए पावाए अकज्जमायरंतीए सच्चविओ लोयप्पवाओअपात्रे रमते नारी गिरौ वर्षति माधवः। नीचमाश्रयते लक्ष्मी प्राज्ञः प्रायेण निधनः ॥२५०।।
एवंविहचिताउलो जाव अच्छइ गंधिलो ताव पेक्खइ पुव्वपोलिदुवारेण निग्गच्छंतं नयरजणसमूहं । तओ पुच्छिओ अणेण समासण्ण-पुरिसो---"कहिं एस पुरलोगो पत्थिओ?" सुनिरूवियं काऊण साहियं तेण-"सामि ! नंदणुज्जाणे बहुजण-जणिय-विम्या, संसार-भय-भीय-भव्वजण-सरण-दायगा, करुणामयमहोवहिणो, सत्तरसविह-संजमसालिणो, अट्ट-रुद्द-ज्झाण-विवज्जिया, असुह-ति-दंडविरया, चउक्कसायनिम्महणा, पंचिदिय-निग्गहपरा, छज्जीवनिकाय-वच्छला, सत्तभयट्ठाणविप्पमुक्का, अट्ठमय-ट्ठाणरहिया, नव-बंभचेर-गुत्तिसणाह-बंभचेर-परिपालणपच्चला, दसविहसमण-धम्माणुट्टाणपरायणा, एक्कारसोवासग-पडिमापयासगा,' दुवालसविह-तवाचारचरण-चउरा, तेरसकिरियाट्ठाणठायगा, चोद्दसपुव-पारगा, . पण्णरस-कम्मभूमिपस्वगा, सोलस-विज्जादेविकयसण्णेज्झा, सत्तरसविहासंजमदुगुंछगा, अट्ठारससीलंगसहस्सधारिणो, धम्मधुराधरणधोरेयकंधरा, बहसीस-संघ-परिवुडा, रूव-गुणविणिज्जियमयरद्धया, पढमजोव्वणे वट्टमाणा अमरसुंदराभिहाणा सूरिणो समोसरिया।" एवं सुणिऊण परमसंवेगमावण्णो गओ सूरि-समीवं । गंधिलेण वि पयाहिणा काऊण वंदिया सूरिणो। निसण्णो समुचियासणे । पारद्धा भगवया धम्मदेसणा।
_Jain Education International 2010_04
For Private & Personal Use Only
www.jainelibrary.org

Page Navigation
1 ... 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402