Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 352

मणोरमा-सूरसेणचरियं
३२५ हिययाहिंतो कंठं कंठाउ मुहं मुहाउ जीहग्गं । जीहग्गाओ सुयणा ण विपियं पुण नियत्तेइ ॥९९१।। जुज्झंताणं समरे लग्गो जइ कह वि दिव्वजोगेण । तुज्झ पहारो मह खयरनाह किं तेण तुट्ठोसि ? ।९९२। अहवा तुच्छे वि कए कज्जे तुच्छो महिमंडले वि न हु माइ । मज्झसमो नत्यि जए अत्तक्कोसं वहेमाणो ।९९३। न य गज्जइ देइ जलं घणोघणं जह तहेव सप्पुरिसो । जंपइ न साहइ च्चिय मेरुसमाणाई कज्जाइं।९९४। हिययम्मि फुरइ सत्तं जाण रणे वहइ दाहिणो हत्थो । ताण पसंसं सयमेव कुणइ लोगो अवुत्तो वि ।९९५। कि अप्पपसंसाए परगणनिदाए पावजणगाए। सूराण समासण्णे कसवट्टे समरसंघट्टे ।९९६। लहुयंति लहुं पुरिसं मेरुसमाणं पि दो अकज्जाई । अप्पपसंसा परनिंदणा य पयडं पकिज्जता ।९९७। अहवा न तुज्झ दोसो असमंजस-भासिणो वि नरनाह । जम्हा विणासकाले उल्लावा एरिसा हुंति ।९९८। पडिभणइ विज्जवेगो अप्पा वि लहुहूओ मए मुढ । जम्हा तुच्छेण समं संगामिताण नत्थि गणा ।९९९। जइ जिणइ कह विहीणो अह जिप्पइ कह वि तहवि नत्यि जसो। ता तुमए सहसमरे अत्तुक्कोसो कह मज्झ।१०००। अह सूरसेणरण्णा वेगेण पहाविऊण खयरिंदो । मट्टिाहारेण हओ पट्ठीए कुलिसकढिणेण :१००१। अंबारियदिसिवलओ ढुलंतनयणो चलंतबहुसासो । मुच्छाए अडवडंतो पडिओ धरणीयले विवसो ।१००२। सत्तमवलंबिऊणं रुहिरुग्गार मुहेण मुच्चतो। मच्छाविगमे उट्ठाइ [कर]कयखग्गो खयरनाहो ।१००३। दाहिणकरकंपाविय करवालो सूरतेयतणओ वि । वेगेण समावडिओ पुणो वि संगामिउं लग्गा ।१००४। वग्गंति दो वि हक्कंति दो वि ढक्कं ति दो वि गयसंका । पहरंति दो वि वच्चंति दो वि समसमरसंरभा ।१००५। दट्टण ताण समरं अभंगुरं कायराण भयजणणं । नच्चइ हसइ य गायइ नहंगणे [अच्छरा] मुइआ ।१००६। वट्टते समरभरे लद्धावसरेण खयररायस्स । खग्गेण सिरं छिपणं रण्णा सिरिसूरसेणेण ।१००७। गयणाउ पंचवण्णा गंवायड्डिय भमंतभमरउमा । सीसम्मि तस्स पडिया सुरमुकका कुसुमवुट्ठि त्ति ।१००८ । तुट्टा सुर-सिद्धगणा पणच्चिया अच्छरा पहरिसेण । गाय]णयले धरणियले उच्छलिओ [जय] जयारावो।१००९। जयलच्छीए वरिओ परियरिओ सय सयणबग्गेण । बंदियजणघुटु जसो नियत्तियमंगलायारो ।१०१० । नीओ नहसरकमले सप्पणयं पणइबग्गफयतोसो। दाहिणसेणि-नरिंदो अहिसित्तो सय लखयारेण] ।१०११॥
नरनाह ! ] समलंकरेह संपइ तुम्भे विहु नियय सुंदरी पमुहं । एए दिवसेहिं परिणइ विज्जाहर-सुंदरिसंहस्सं ।। सम्माणिऊण तत्तो वरवत्थाहरणभूसणाईहिं । खयराहिवेण खयरा विसज्जिआ निययठाणेसु ।१०१३। अहिसिंचिऊण रज्जम्मि पेइए कित्तिसुंदरं अमरं । गंधव्वसेणसहियं पेसइ चउरंगबलकलियं ।१०१४। अह भणइ सोवयारं खयरिंदो विजयसेण-नरनाहं। समलंकरेह संपइ तुब्भे वि हु निययरज्जं तु ।१०१५। बाह जलभरियनयणो निस्संताणो पय पए राया । रज्जेग न मे कज्ज धम्मो सरणं ममेदाणीं ।१०१६। जओ-- ख लहलिहूयउं बलहरणु, जज्जरि हूयउं छज्जु । देह-कुडीरउं प[ड]णमणु, के कल्लइ के अज्जु ।१०१७।
अओ तम्मि वि रज्जे तुमं चेव अहिसिंचामि । न मे पणयपत्थणाभंगो कायव्वो । न अण्णा गई त्ति पडिवण्णं सूरसेणेण । अहिट्ठियं तंपि रज्जं । तओ-- पंचविह विसयसोक्खं उब जंतस्स खयरनाहस्स । सग्गम्मि सुरवरस्स [व] वच्चइ कालो सुहे णेव ।१०१८।
अण्णम्मि दिणे अत्थाणमंडवागओ अमच्चसामंतपउरपमुहजणपरिवरिओ पडिहारनिवेइएण आगंतूण विणत्तो पियंवयाभिहाणेण उज्जाणपालएण “देव ! गामाणुगामं विहरता, बहुसाहुजणसंपरिवुडा, सोमो व्व सोमदंसणा, सचरा
____Jain Education international 2010_04