Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 366

मणोरमाकहाए ग्रंथकारस्स पसस्थि ताण विणेओ सिरि अभयदेवसूरि ति नाम संजाओ। विजियखो पच्चक्खो कयविग्गहसंगहो धम्मो ।१२१९। जस्स गुणा गयमच्छरजणेण परिओसमावहतेण । महुमासपल्लवा इव भण केण न धारिया कण्णे ।१२२० । तेलोक्क-जगडणुद्धरकंधरमयरद्धओ मलेऊण । तह मुक्को जेण पुणो सुमिणे वि न चेतसं ढुक्को।१२२१। आणंदियविबुहजणा पुण्णपया सुगइसाहणसमत्था। वयणगयणाउ गंग व्व भारई जस्स निक्खित्ता ।१२२२। ठाणाइ नवंगाणं महत्थसुत्ताण गणहरकयाणं । विवरणकरणेण कओ उवयारो जेण संघस्स । १२२३। सेयंवरसोहकरस्स विमलजस-किरण-धवलियधरस्स । भवियजण-कमलबोहणससिणो सियवाय कलियस्स १२२४ सीसेहिं तस्स एसा कहा कया बद्धमाणसूरी हिं। होउ पढंतसुणताण कारणं मोक्ख-सोक्खस्स ।१२२५। गुणगरुओ गुरुभाया वय जेट्ठो आगमम्मि पत्तट्ठो। विमलगणी विमलजसो खणलओ अत्थि पसिद्धो । १२२६। लिहणलिहावणसोहणपमुहपओयणपसाहणेणेत्थ । तेण कयं साहिज्जं सव्वत्थ समुज्जमंतेण ।१२२७। धंधुक्कयम्मि नयरे महलसुओ बसइ वेल्लंओ नामा। सड्ढो पवणगुणड्ढो सुवियड्ढो धम्ममग्गम्मि ।१२२८। मोढकुलं वरससिणो कड्डिसेट्ठिस्स पुरपहाणस्स । सा दुहिया मयरहिया वेलीनामि त्ति इह कहिया ।१२२९। देवगुरुपायसत्ता दढसम्मत्ता तवम्मि उज्जुत्ता। जस्स घरे घरिणी पच्चक्खा धम्ममत्ति व्व ।१२३०। तस्स वसही-ठिएहि कया कहा साहसंककालाओ। एक्कारसहिं सएहिं गएहि वासाण वो [?]लेहि ।१२३१। आसोयकसिणपक्खे सोमदिणे तह धणि?नक्खत्ते । उदयंते दिवसयरे समाणिया पडिवयतिहीए ।१२३२। पुव्वावरेण संपिडियाए पाइयकहाए एयाए । पण्णरसओ सहस्सा गंथपमाणं विणिद्दिळं ।१२३३ । संसारसरसरोफहसरिसाणं भवियभमरभइयाण । सिरिअभयसूरिपायाण पणमिमो पयडियजसाण ।१२३४। कमलदलदीहनयणा कमलमही गहियवामकरपोत्था। कइयणमुहकयवासा सरस्सई जयइ सुपयासा ।१२३५। जमिहासमंजसं कह वि किंपि मइ-मोहओ मए भणियं । पुत्तावराहमिव पिया खमंतु तं सुयधरा मज्झ ।१२३६।।
___Jain Education International 2010_04