Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 364

मनोरमा -सूरण- चरिये मणोरमा पुव्वभवपुच्छा
वि जं सुंदरीए सिरिमइपज्जाए वट्टमाणए चंदणापुत्त्रेण विओइया, तक्कम्मोदएण चंदनाए चेव रयणमालापज्जायमावमाए पियमेलय-पव्वयाओ अवहरिऊण 'दुक्खमारेण मरउ' त्ति कयंबपायवे लोहकीलएहिं कीलिऊण मुक्का | भो भद्दे । रागदोंसपरिसयाहि जं तया तुम्भेहि कम्मं निव्वत्तियं तस्सेस परिणामो ।" मणोरमाए भणियं -- " भयवं ! केत्तिओ इस कम्णो विवागो ?" सूरिणा भणियं - " तुब्भाण एत्तिओ चेव | हेमसुंदरी कित्तिवम्मो य अज्ज वि अणुभवि - संति ।" एयं सोऊण संजायजा इसरणेहि, सुमरियपुत्र्वभववृत्तंतेहि, संसारवासनिव्विण्णमाणसेहि, समुल्लसंतसुहसुहतरपरिणामेहिं भणिओ सूरी मणोरमासूरसेणेहि--" भयवं ! संसारभयभीयाणि पुत्तकलत्ताइनियडिया संचइऊण घरवासं, कम्मसेलदलणदंभोलिसन्निहं भवकंदुक्कंदणपवणकोद्दालकप्पं, अप्पियजम्मवज्जिसयलसावज्जकज्जं पव्वज्जामो तुग्भाण समीवे पव्वज्जं ।” सूरिणा भणियं -- “उचियमेयं, सव्वेसि पि संसारमावण्णाण विसेसओ वरविवेगवारि पक्खालियपावकाणं समासण्णसिवसुहसोक्खाणं तुम्हारिसाणं । जओ -- मा मा कण्णोत्तरं विचितेह |
पवणाय सलिलतरंगचंच राजीवलोगम्मि | धम्मं करेमि संपs कयं करेस्सामो न य परांपेड़ | ११८६ |
पुणाणुबंधिपुणेहि जस्स जम्मो सुपुरिसस्स ।
निass परिणामोच्चिय अहवा विग्धं पि किपि जाएज्जा । तम्हा कालक्खेवो न संगओ धम्मकज्जम्मि । ११८७ जं कल्ले कायव्वं अज्जं वि य तं करेह तुरमाणा । बहुविग्धो य महत्तो मा अवरहं पडिक्खेह । ११८८ केवलं अत्तणो तुलणापुरस्सरं वयगहणं संगयं । जओ-
सावज्जजोगविरडं तिविहं तिविहेण जावजीवेण । चायन्त्रा विभूसणं केसुद्धरणं च सहियव्वं । ११८९ ॥ जीवनका या वि संरक्खणे य जइयव्वं । सव्वं पि अलियवयणं वज्जेयव्वं सया कालं । ११९० । तिणमेत्तं पि अदिणं घेत्तव्वं नेव तिविहतिविहेण । पाययजणदुरणचरं चरियव्वं बंभचेरं तु । ११९१ धम्मोवगरणवज्जो कणगाइपरिग्गहो न कायव्वो । असणाइचउक्कंपि हु भोत्तव्वं ने व रयणीए । ११९२
३३७
- अवाओ मायरो पवयणस्स । न कयाइ वि मोत्तव्वा जहिं कल्लाणकामेहि । ११९३ । खुप हा अति बावीसपरी सहा दुरहियासा । नरतिरि - देवेहि कया घोरुवसग्गा य सहियव्वा । ११९४ सासु विसुं रागद्दोसा न चेव कायव्वा । जिणसमय विष्णूहि परमरिसीहि जओ भणियं । ११९५ । सद्देसु य भद्दय पावएसु सवर्णाविसयं उवगएसु । रुट्ठेण व तुट्ठेण व समणेण सया न होयव्वं । ११९६ । रूवे विभावसुचक्खु विसयमुवगएसु । रुट्ठेण व तुट्ठेण व समणेण सवा न होयव्वं । ११९७ रसएसु य भद्दयपात्रएसु जीहा - विसयम वगएसु । रुट्ठेण व तुट्ठेण व समर्पण सया न होयव्वं । ११९८ । गंधेसु य भद्दय पावएसु घाण - विसयमुवगएसु । रुट्ठेण व तुट्ठेणं व समणेण सया न होयव्वं । ११९९ । फासेसु य भद्दय पावएसु तय - विसयमुवगएसु च । रुट्ठेण व तुट्ठेण व समणेण सया न होयव्वं । १२०० बाया दोसरहिओ भोक्तव्वो कारण पिंडो वि । वेयावच्चं निच्चं कायव्वं सूरिपहाणं । १२०१ सज्झाओ कायव्वो चाउक्कालं पि पइदिणं चेव । बज्झो अब्भितरओ संतीए तवो वि तवियव्वो । १२०२ । त्रियाणं परिहारो असुहज्झाणाण चेव वज्जणया । भावेयव्वं च अणिच्चाई वरभावणाजालं । १२०३ । काव्वो तह विणओ गुरु आयत्तेहि चैव होयव्वं । खंतीइ दसपयारों [य] सेवियव्वो समणधम्मो । १२०४ गीयत्थगुरुअहिट्ठियगच्छे अण्णायवारणादच्छे । नाणाइरयणरोहणगिरिम्मिं वासो विहेयव्वो । १२०५ मज्जाइभे[य]भिण्णो वज्जेयव्वो सया वि हु पमाओ । न य कायव्वा निच्चं संसग्गी सह कुसीले हि । १२०६ । लोहमयचणयचव्वंणगंगापडिसोय गमणसारिच्छो । निसियखग्गधारा संचरणसमो समणधम्मो । १२०७॥ किं जंपिएण बहुणा धीदुब्बलदुव्वहो सया कालं । वोढव्वो अट्ठारससीलंगसहस्संपन्भारो । १२०८ ॥ जइ सक्कह काउं जे करेह तो सयलदुक्खनिद्दलणं । अणवज्जं पव्वज्जं पावह जे निच्छयं ठाणं । १२०९॥