Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 356

मणोरमा-सूरसेणचरिये पावट्ठाणवण्णणं सयलजणजणियरागं सुणगाइहीणजंतुसामण्णं । सव्वाभिसंकणीयं धम्मत्थविणासणं परमं ।१०७०। आवायमेत्तसुहं किपि परिणामकडुयमच्चंतं । मेहुणसोक्खं कंखेज्ज को णु मोक्खाहिलासिजणो ।१०७१। मेहुणपसंगसंजणियपावपब्भार भारिया संता । निवडंति नरा नरए जले जहा लोहमय-पिंडो ।१०७२। अखंडबंभचेरं चरिउ संपुण्णपुण्णपब्भारा । 'सयलसुरसेवणिज्जं पाविति पहाण देवत्तं ।१०७३। तत्तो चूया नरत्ते वि तियसतुल्लोवभोग[भोग]जुया । जायंति पुण्णदेहा विसिट्टकुलजाइसंपण्णा ।१०७४। होंति जणगेज्झवयणा सुभगा पियभासिणो सुसंठाणा । रूवस्सियो य सोमा पमुइय पक्कीलिया निच्चं ।१०७५। पाविति सुहसयाई कमेण सुविसुद्धजीवपरिणामा । ता तुरिय पावट्ठाणं मेहुण्णं वज्जह सया वि ।१०७६ ।
____ अहावरे पंचमे पावट्ठाणे । से णं परिग्गहे । एयं पि महामंडवो मुच्छावल्लीवियाणस्स, निसियपरसू संतोसतरुणो, कंदलुब्भए लोहमहाकंदस्स, सिरापावाहे भवकूवस्स, आवासे सारीरमाणसाणेगदुक्खरुक्खाणं, वसंतसमए [वियसिय]पल्लबुब्भेयस्स, गिम्हयाले एगग्गचित्तया सरसीए, पाउसारंभे नाणाइगुणरयणहंसाणं, सरयावसरे महारंभस्स निप्फत्तीए, हेमंते सद्धम्मवासणा सरोरुहिणीए, सिसिरावसरे विसुद्ध-धम्माणुट्ठाणतरुपत्तसाड[ण]स्स । एय-परिगए य जीवे न कस्स वि विससइ संकइयाणं (?) बीहइ नरवइणो, निलुक्कइ मम्गणाणं, डरइ चोराणं विहुरिज्जइ पलीवणासंकाए । तहावि पयत्तसंरक्खियं पि जइ को वि अंतरं लहिऊण अवहरेज्जा, सयं वा ठाणं पम्हुठे होज्जा, तो महामोग्गरपहारपहरिय व्व सुण्णमाणसे, चित्तलिहिय व्व अट्टवसट्टोवगए किलिट्ठकम्मं समज्जिणइ । तओ से उभयभवुब्भवतिक्खदुक्खाणभायणं भवइ । जओअणियत्तिच्छो जीवो धणधम्मसुवण्णखेत्तमाईसु । तं तं करेइ पावं तह वि हुन पुरिज्जइ इच्छा ।१०७७। जइ होज्ज दम्मदसमं करेमि तो किं वणियववहारो। अह होज्ज तं पि तो सयमीहइ जीवे असंतुट्ठो।१०७८। पत्त सओ वि सहस्सं सहस्ससामी वि लक्खमभिलसइ । लक्खबई वि हु कोडि कोडिवई पत्थए रज्जं ।१०७९ । रज्जवई चक्कित्तं चक्की वि हु महइ [देवत्तं] । देवत्तणे वि पत्ते इंदत्तं पत्थए जीवो ।१०८०। एवं पवड्डमाणी पूरे कहणु तीरए इच्छा । जाव न जा संतोसामयसुहसंतित्तो कओ अप्पो ।१०८१। जइ इच्छह सुहसंग अमियपरिग्गहामाणरूवं तु । पंचम पावट्ठाणं तो वज्जह गुरुपयत्तेण ।१०८२।
अहावरे छठे पावट्ठाणे । से णं कोहे । से वि णं विग्धभूए सुहसंपयाए, पणासगे पिईए, निबंधणं असुहभावस्स, पडिवक्खभूए कल्लाण-परंपराए, पयरिसे अविवेयस्स, कारणं दुग्गइनिवायस्स, सत्तुभूए कुसलाणुट्ठाणपवित्तीए । कोहवसगे जीवे न मुणइ वत्तवावत्तव्वं । तिवलितरंगरंगभीसणभालवठे रत्तच्छदुप्पेच्छे वीभच्छा[व]दसणे हवइ । जओगुरुकोवजलगजालाक लावसविसेसकवलियविवेगो। न वियाणइ अपाणं परं च परमत्थओ पुरिसो ।१०८३। कोवजणेण पुरिसो अप्पाणं विय दहेइ पढमयरं । जत्थुप्पण्णो तं चेव इंधणं धुमकेउ व्व ।१०८४। नियकत्तारं कोहो दहइ अवस्स परे अणेगतो । निय पयदहणे सिहिणो वि अहव नियमो न उ तदण्णो ।१०८५। जस्स किल कोहकलिगो कलुसीकयमाणसस्स जंति दिणा । इहपरलोगे वि नरस्स तस्स कह सोक्ख-संपत्ति ।१०८६ । अवयारी किर वेरि वि होइ एककम्मि चेव जम्मम्मि । कोहो पुण होइ दढं दोसु वि जम्मेसु अवयारी ।१०८७। जं कज्ज उवसमपरो साहइ न हु तं कयाइ कोवपरो। जं कज्ज करणदक्खा बुद्धीकुद्धस्स सा कत्तो ।१०८८। कोहो उब्वेवणओ पियबंधु विणासणो महापावो । कोहो संतावयरो सोग्गइ पहवेरिओ कोहो ।१०८९। जइ समसुहसमीहा तो मणिजिणिदवयणसारेण । छठें पावट्ठाणं कोहो दूरेण चइयब्बो ।१०९०। १. समुर्विति चितियत्थं [संवे. पृ. ४७]