Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 324

तइयअवसरे सामाइयसिक्खावये नरदेवदुग्गदेवकहा
२९७
बहो भविस्सइ कि करेमि" त्ति चिताणतरमेव उक्खित्तो पवयणदेवयाए। नीओ सट्टाणं। पभाया रयणी। पारावियं सामाइयं । काऊण सरीरजोगं कयं चेइयवंदणं । गहियं पच्चक्खाणं । एत्यंतरे निसुओ बहुजणकोलाहलो। दुग्गदेवेण पुच्छिओ समासण्णो नियपुरिसो-“अरे ! किमेस जणकोलाहलो ?" तेण वि नाऊण साहियं जहा-"ओहिणाणभावचक्खुणो खीणप्पायसंसारनिबंधणकम्मंसा बहुसमणपरिवारिया समोसरिया बाहिरुज्जाणे जयसुंदराभिहाणा सूरिणो। तेसि वंदणवडियाए वयंताण लोयाण एस कोलाहलो।" एयं सोऊण पह?माणसो गओ दुग्गदेवो। विहिपुरस्सरं वंदिया सूरिणो। निसण्णो समुचियपएसे। पारद्धा सूरिणा धम्मदेसणा । जहा
"भो भो भव्वा असारो एस संसारो। विज्ज-विलसिय व खणदिद्वनट्ट पियजणसमागमा। अविण्णायागमो निप्पडियारो सया सण्णिहिओ मच्च । नत्थेत्थ कि पि सोक्खकारणं । तह वि निव्ववेया लोया तुच्छसोक्खकारणेस, किंपागफलं व परिणामदारुणेसु, अणंतभवभमणनिबंधणेसू विसएस सुपसत्तचित्ता न याणंति धम्माधम्म, न गणंति गुरुवएसं. परिचयंति परमसहपरमकारणं धम्माणट्राणं ।" एत्थंतरे पूच्छियं दुग्गदेवेण-"भयवं! किं कारणं मे धम्म कूणमाणस्स विग्धाणि भवंति उवसमंति य?" सूरिणा भणियं-“सोम ! सुणसु एत्थ कारणं।"
__इहेव भारहेवासे वंगा विसए कमलालयनयरे कमलसंदरो नाम कुलपुत्तओ तुममहेसि । कमलसिरि तुज्झ भज्जा। अगणिय धम्माहम्माण अच्चंत विसयासत्ताण वच्चइ कालो तम्ह । अण्णया दिटठो तए नयरबाहिरुज्जाणगएण गणसूटिठओ नाम आयरिओ। तं च [ते] दळूण समुप्पण्णो पमोओ । जलहिजलं व चंदोदएण वियसिया तुह हियए धम्मवासणा। सलिलकल्लोलेहि धाराहयकलंबफुल्लं व समससियरोमकवं जायं ते सरीरयं । सबहमाणं गंतूण वंदिओ भयवं गणसूठियसूरी। तेण वि दिण्णो सयलसुहपत्तलो धम्मलाहो। कया धम्मदेसणा। निदिया विसया। पसंसिया तश्विरई। पडिवण्णं तए अट्ठमि-चउद्दसि-उद्दिठ्ठपुण्णिमासिणीसु पुण्णतिहीसु असिणाणं बंभचेरं च । विहरिया सूरिणो। साहिओ तए कमलसिरिए एस वुत्ततो। रुट्ठा सा । अणुणिज्जमाणी वि नाणुणयं गिण्हइ, भणइ य--"भंजसु इमं विसयसुहवइरिणं नियम।" तए भणियं-"पिए! न संदरमेयं जहा गहिऊण वयं भज्जइ।" तीए भणियं--"विप्पयारिओ तमं केणावि इंदयालिएण जेण दिठं मोत्तण अदिटठं पत्थेसि ?" तए भणियं--"दीसंति ईसरदरिदत्ताईणि धम्माधम्मकज्जाणि । कहं अदिट्ठो धम्मो ?" तए सा एवं भण्णमाणी अहिययरं पओसमावण्णा । तए वि 'अलमिमाए धम्मपरम्मुहाए' ति भाविय परिवत्तो तीए सह संवासो। सविसेस पउट्ठाए दिण्णं तीए अण्णम्मि दिणे भोयणे तुज्झ विसं । अच्चकडकयाए विसस्स अकयपडियारो मओ तुमं । उप्पण्णो सोहम्मे सुरत्ताए । कमलसिरी वि उज्झियकुलायारा मह-मज्जमंसादिभोगपरायणा विणसरीरा रुझाणेण मरिऊण उववण्णा पढमपुढवीए नेरइयत्ताए।
इओ य तुमं सोहम्माओ चइऊण समुप्पण्णो तम्मि चेव कमलालयनयरे रायपुत्तो। सा वि कमलसिरी नरयाओ उवट्टिऊण तत्थेव नयरे पिंडवासवेसाए वसंतसुंदरीए कुच्छिसि धूयत्ताए उववण्णा। संपत्तजोव्वणा दिट्ठा तए। संजायाणुरागो गओ तीए घरे। दळूण तुमं दूमिया सा माणसे । समासण्णीकयं निप्पडियारं विसं । कओ कित्तिम-सिणेहो । वंचिऊण दिट्टि संचारियं तुह तंबोले । मओ तेण तुमं । 'विसवियारो एसो' त्ति कहियं वेज्जेहि राइणो। एसा एत्थ अणत्यकारिणी माराविया राइणा दुक्खमारेण । उववण्णा एगम्मि दुग्गयमाहणघरे दुहियत्ताए। दिण्णा समाणविहवबंभणतणयस्स। पत्ता तम्मि चेव दिणे दंडत्तणं। संजायगरुया जाया तावसी। तुमं पि विसवियारेण मरिऊण तम्मि चेव गामे मेहरसुओ जाओ। पत्तजोब्वणो दिट्ठो तीए. तावसीए। दूमिया माणसे । मारणोवायमलहंतीए कओ तुहघरिणीए सह मेत्तीभावो। भणिया य सा तीए-"अस्थि मह समीवे कम्मणं जेण जहा-भणयं करेइ भत्ती।" तीए भणियं--"भयवइ काऊण अणुग्गहं देहि मे थोवयं ।" दिण्णं तीए। विसं पउत्तं तुह घरिणीए। खिज्जिऊण तेण मज्झिमगुणजोगओ मरिऊण समुप्पण्णो तुमं दुग्गदेवो। सा वि तावसी अण्णाण-तवं काऊण मया समाणी समुप्पण्णा वंतरी। दिटठो तमं सामाइयत्थो। दुमिया चित्ते दुग्गइ-पाडणत्थं पलीवणाइविग्यसंपायणेण सामाइयाओ चालिउमारद्धो। जाहे न संचालिओ ताहे रमणीरूव-दंसणेण खोभेउमारखो। तेण वि न खुद्धो ताहे विलक्खमावण्णाए मारणत्थं कुवे पक्खित्तो। गुणाणुरागिणीए पवयणदेवयाए कड्ढिओ कूवाओ सट्ठाणे मुक्को अ। धाडिया सा खुद्दवाणमंतरी। दुग्ग