Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 331

३०४
मणोरमा-कहा
किंचकेवल-मणोहि-चोद्दस-दस-नव-पुचीहिं विरहिए काले । चरणनिसेहमयाणुय करेसि कह पमड-वायाए ।५९३। मुणिमच्छरानलेणं] सोग्गइ सुहृदारुदहणदच्छेणं । मा मा पउट्ठचित्तो, धम्मारामं पलीवेसु ।५९४। अह गुरुकम्मेण हया, दोग्गइ पह-पंथिया महापावा । दीसंति तुह सरिच्छा, सुयकेवलिणा जओ भणियं ।५९५। धीरपुरिसपरिहाणि, नाऊणं मंदधम्मिया केइ । हीलंति विहरमाणं, संविग्ग-जणं अबुद्धीया ।५९६। रोसेण पडिनिवेसेण वा वि अकयण्णु मिच्छभावेण । संतगुणे छायंतो भासंति गुणे असंते वि ।५९७। संतगणनासणा खलु, परपरिवाओ य तेसिमलियं च। धम्म य अबहुमाणो, साहुपओसे य संसारो।५९८ । न तुम जाणसि धम्म, नयागमं ने य लोयववहारं । दोग्गइ पाडणहेडं, तुज्झ मुहं निम्मियं विहिणा ।५९९। माणुसजम्मो सावगधम्मो साहम्मिएहिं संजोगो । साहुपओसेण तए, झडत्ति सव्वं समुफ्फुसियं ।६००। जओ-- तव-नियम-सुट्ठियाइं सज्झाणज्झाण-वावड-मणाई । विरलविरलाई अज्ज वि, सुसाहु-रयणाई दीसंति ।६०१। निप्पिटु-पसिणवागरण-कडय-वयणेहिं दोच्छिए एवं । वरदत्तेणं भणियं, न तए अम्हेहिं दिट्ठाई।६०२। धवलेण तओ भणियं, दोसप्पिय-मित्तरिद्धि-दुहिएण । जइ घूएण न दिट्ठो, ता किं न समुग्गओ सूरो? ।६०३। नासियतमंधयारो, निय-कर-निव्वविय-सयल-भुवणयलो। रत्तंधेण न दिट्ठो, ता किं न समुग्गओ चंदो?।६०४। जइ कुव-ददुरेणं, कूवे जाएण वत्थिएण तहिं । रयणायरो न दिट्ठो, ता किं सो नत्थि भुवणम्मि ?।६०५। जण-जणिय-विम्याइं, विचित्तभावाइं ताव विरलाई । जइ न वि पेच्छइ अंधो, न संति किं ताइं भुवणम्मि?। तित्थयरेणं भणियं, चरणं जा दूसमाए पज्जतो । तं पुण निसेहमाणो, तत्तो विय समहिओ जाओ।६०७। भो! भो ! सुणंतु सव्वे वि सावया ! साहुमच्छरी एसो। नियतहाओ बज्झो, कीरइ जइ रोयए तुम्ह ।६०८। जओ भणियजो भणइ नत्थि धम्मो, न य सामइयं न चेव य वयाइ । सो समणसघ-बज्झो, कायव्वो समण-सघेण ।६०९।
पडिवण्णमेयं पुरिसदत्ताईहि भणिओ वरदत्तो--"अज्जप्पभिई न तए अम्ह सभाए मिलियव्वं" ति निद्धाडिओ। तओ तम्मि चेव दिणे विसूइयादोसेण मरिऊण साह-पओस-संजणिय-किलिट्ठ-कम्मोदएण आसीविसो जाओ । तओ वि दीहसंसारी दुल्लहबोहिओ जाओ। नत्थि साहु-धम्मो त्ति सोऊण वियारमेयं विपरिणओ धम्मम्मि करेणुदत्तो । थिरीकओ पुरिसदत्ताईहि तहवि चंचलचित्तो चेव ।
. अण्णया आसाढ-चाउम्मासए सब्वओ पोसहं काऊण असणाइपरिहारेण अव्वावारा ठिया छट्ठभत्तेणं । वोलीणो चाउम्मासय-वासरो। समोगाढाए रयणीए किंचि विपरिणयं नाऊण करेणुदत्तं कुलदेवया जिण-धम्माओ भंसिउकामा एवं भणिउमाढत्ता--"जइ न भंजेसि सीलवयाइं तो ते जेठ्ठपुत्तं नवरं वहे काऊण दिसाबलि करेमि।” एयं सुणिय परिवडिय-समभावो कट्ठविट्ठरं गहाय तं पइ. पहाविओ करेणदत्तो। उवसंतो उवसग्गो तह
मो पुरिसदत्ताईहिं मा पोसहं सब्वहा भंजेहि ।" तेण भणियं-"जइ साहधम्मो नत्थि तत्थ केरिसो सावयाणं पोसहो ति?" अवगण्णिऊण ताण वयणं गओ सघरं । तेण चिंतियं--"जत्थ एवं विग्घाणि जायंति तेण पोसहेण न किंचि मज्झ पओयणं ।” एवंविह परिणाम-परिणओ रयणीए तक्करेहि विणिवाइओ, मरिऊण समुप्पण्णो वंतरो। तओ वि चुओ संसारं समणुपरियट्टिस्सइ । पुरिसदत्तो वि निरइयारं देसविरइं परिपालिऊण संपुण्ण-पोसह, पव्वदिणेसु फासिऊण, आराहिय-परलोगमग्गो, मरिऊण समुप्पण्णो ईसाणकप्पे सुरवरो। तओ चुओ कयपव्वज्जो सिद्धिसुहमणुभविस्सइ । . , तओय भवेसु बि सुहिया परिपालिय-पोसहा नरा हुंति । इयरो पुण भीम-भवोदहिम्मि दुक्खाइं पावेंति ।६१०॥