Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 335

३०८
मणोरम.-कहा
गयणग्ग-लग्ग-सिहरग्ग-भग्ग-रविरह-पयार-दुल्ललिओ । मयरंद-पाणपमुइय अलिवलय-विरायमाणवणो ।७०७। वहमाणवाहिणीसयदिसिमुच्चंत-खलहलासहो । दरियकरि-दलिय-परिणय-हरियंदण-गंधरिद्धिल्लो।७०८। विज्जापसाहणुज्जयविज्जाहररुद्धकंदरविभाओ । फलपुटुतरुवरट्ठियदप्पुद्ध रमक्कडाइण्णो ।७०९। कंतकयलीहरेसुं दक्खावरमंडवेसु सिसिरेसु । कंतसहिएहि य किण्णरेहि गिज्जत-संगीओ।७१०॥ पजलंतोसहि-वलएहिं रयणिसंरुद्धतिमिरसंचारो । नामेण सिहरसेणो सिहरी जय पायडो रम्मो।७११॥ तत्थासि एस सबरो इमा वि एयस्स पणइणी आसि । अच्चंतवल्लहा सइ सण्णिहिया बीयमिवहिययं ।७१२। साहीणवणफलाण ठाणे ठाणे य सुलहसलिलाण । ईसा-विसाय-पिय-विप्पओग-रहियाण जंति दिणा ।७१३। अण्णम्मि दिणे गयणंगणाउ उत्तत-कणय-कतिल्लो । तम्मि नगे अवइण्णो विज्जाहर-मुणिवरो एक्को ७१४। दळूण मुणी सबरो सबरीए सहकोउओ सिग्धं । आगम्म तुरिय-तुरियं सविम्हयं निज्झाइउं लग्गो।७१५ । संभासिओ य कोमलवयणणं मुणिवरेण सो सबरो । कहिओ संखेवेणं धम्मो जो समुचिओ तस्स ।७१६। अव्वो ! महाणुभावो परहिय-करणम्मि उज्जओ एसो । उचियं चिय जंपिस्सइ मया वि तं होइ कायव्वं ।७१७। इय चितिऊण चित्ते हरिसवसुल्लसिय-पयड-पुलएण । चलणेसु निवडिऊणं पयंपिअं तेण सबरेण ७१८। भगसु सयमेव भयवं! जमुचियमम्हाण पसुसरिच्छाण । मुणिणा वि तओ पंचुंबरिनियमा-विरमणाईया ।७ १९। दिण्णा संवेवेगं पंचणमुक्कार-पाढ-संजुत्ता । पडिवण्णा कयकिच्चं अत्ताणं मण्णमाणेण ७२०। अट्टमि चउद्दसीसुं बंभं परिसडियकंदमूलेहिं । वित्ती पकप्पियव्वा एयं पिहु तेण पडिवणं ।७२१। सबरेण कयपणामो साहू दाऊण धम्मलाहं तु । गयणेणं उप्पइओ खणेण असणो जाओ।७२२। जह गहियनियम-परिपालणेण वच्चंति वासरा तस्स । अट्ठमि तिहीए सबरी समागया तस्स पासम्मि ।७२३। भग्गं निब्भग्गाए गाढं भणिऊण बंभचेरत्रयं । सेसा विहु जे नियमा ते विय भंजाविया तीए ।७२४। अणुरत्तो रत्ताए सबरो सबरिए विसयसोक्खाई । अणुहवमाणो चिट्ठइ निरग्गलं मुक्कमज्जाओ।७२५। अह अण्णया. कयाई वासारत्ते तमंधया रम्मि । गयणंगणाउ पडिओ दड्ढो विज्जूए सकलत्तो।७२६। मरिऊण विझमूले गयजूहे गयवरो समुप्पण्णो। सबरो, सबरी वि तहि, जूहे करिणी समुप्पण्णा ।७२७। संपत्तजोव्वणेण अहिट्ठियं तेण हत्थिजूहं तं । जम्मंतर-नेहेणं सा करिणो वल्लहा तस्स ।७२८। तीए सह विसयसोक्खं अवाणियासेसकरिणि नियरस्स। अणुहवमाणस्स तहिं गयस्स गच्छंति दियहाइं ।७२९। मयवसनिमीलियच्छो करेण करिणी करं पवेदितो । कंताराडवि मज्झे कोलंतो सरसरिदहेसु १७३०। मग्गपणठे दळूण मुणिवरे सुमरिऊण पुन्वभवं । गंतण गयवरो सो पडिओ चलणेसु साहूणं ।७३१। अणसण-करणे काऊण माणसं मग्गउ मुणिवराण । संरुद्धगमणमग्गो ठिओ गयंदो खणं एगं ।७३२। एगेण मणिवरेणं अइसयनाणेण जाणिऊण तओ । दिण्णं पन्चक्खाणं पडिवण्णं भावओ तेण ।७३३। तत्तो गयमेत्तेसु वि साहुसु सागयवसा नियकरेण । गहिऊण सल्लई-किसलयाणि पत्ता गयस्संते ।७३४। कयविविहचाडुकम्मा बला वि छोढण गयमुहे कवलं । जा चिट्ठइ सा करिणी खणमेगं तस्स पासम्मि ।७३५। एयावसरे महागय-कुंभत्थलवियारणेक्करसो । . पिंगलकरालकेसर-दुप्पेच्छो केसरी ढुक्को।७३६। तस्स खर-नहर-दारिय-कुंभत्थल-गलिय-रुहिर-धाराहिं । संसित्तधरावीढो मुक्को पाणेहिं सो हत्थी ।७३७। मरिऊण मज्झिमगुणो भारहखेत्तम्मि पुरवरे रम्मे । उत्तुंग-धवल-पायारमंडिए खीपइट्टम्मि १७३८। नामेण रुद्ददेवो विप्पो परिवसइ धण-परिहीणो। तस्स घरे उववण्णो पुत्तो अह गय-वसा सा वि ।७३९।
_Jain Education International 2010_04