Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 349

३२२
मणोरमा-कहा
अज्जं वा कल्ले वा मरियव्वं एस संसओ नत्थि । ता अबसरे मरतो जियइ नरो जस-सरीरेण ।८९७ । पंचदिणा पाहुणगा पाणा कह तेसु कीरउ थिरासा । अथिरेहि थिरा कित्ती विढविज्जउ वच्छ मा भयसु ।८९८। पडिवण्णमिणं वयणं खेयरगंधव्वसेणमाईहिं । तिक्खालिज्जति तओ सत्थाणि बहुपयाराणि ।८९९। वरवत्थाहरणेहि सम्माणिज्जति सयलसामंता । गुड-पक्खर-सन्नाहा पउणीकिज्जति सुहडेहिं ।९००। एवं कुणमाणाणं ताणं कइवयदिणाण मज्झम्मि । संरुद्धं नयरमिणं समंतओ खेयरिंदण ।९०१। संखुद्धा नागरया कायरया कंपिउं समाढत्ता । किंकायव्वविमुढा संजाया मंतिणो सव्वे ।९०२॥ सण्णद्धबद्धकवओ विज्जाहरबलभडेहिं परियरिओ । काऊण भरं ढुक्को चउद्दिसि विज्जुवेगनिवो ।९०३। तत्तो पुरम्मि सयले हलबोलो नायराण संजाओ । सहसच्चिय संरुद्धो पुरभडनियरेण पायारो ।९०४। अट्टालयबद्धधयं सयग्घिसंघायरुद्धकविसीसं । गुरुजतमुक्कपासाणभीसणं दठ्ठ तं नयरं ।९०५। सिरि विज्जुवेगनरवरसुहडाणं सालभंजणमणाणं । एवंविहा पवत्ता संलावा तत्थ समयम्मि ।९०६। रे! गुडह गयवरिंदे पक्खरह तुरंगमे लहुं चेव । पउणेह संदणे सण्णहेह सुहडे पपत्तेण ।९०७। सण्णद्ध-बद्ध-कवया सुहडा संभरियसामिसम्माणा । परिओसमुव्वहंता रणसज्झा तक्खणे जाया ।९०८। कुद्दालयंकुसिय-करा सीसोवरि धरिय फारवरफरया । संवहिऊणं ढुक्का सुहडा सालस्स खणणाय ।९०९। बद्धतबहल-कलयल-बुक्कंत-भडोह-भीसणं-सेण्णं । पायारे निस्सेणी दाऊणारुहिउमाढत्तं ।९१०। पायारोवरिसंठियसुहडकरत्थेहिं निसियकुंतेहिं । भिण्णा पडंति निस्सेणि-संठिया सुहडसंघाया ।९११। गुरुजंत-मुक्कगोलय-विभिण्ण-कुंभत्थला धरावीढे । निवडंति दंतिणो रहवरा वि भज्जति दलियक्खा ।९१२। अंबरतलाओ निवडंततत्ततेल्लेण वालुयाए य । विज्जाहरिंद-सुहडा दज्झंति दढं कसमसंता ।९१३। कविसीसंतरसंठियदप्पुद्धरसुहड-सर-सय विभिण्णं । भग्गं लग्गं पच्छाहुत्तं विज्जाहरराइणो सेण्णं ।९१४। दण तयं कुद्धो विज्जाहरनरवरो भणइ एवं । किं नासह होह थिरा मा नियकित्ति कलंकेह ।९१५। आसासिऊण एवं नियसेण्णं खेयराहिवो रुट्ठो । कइत्रयसहडसमेओ सरवरिसं काउमाढत्तो ।९१६। आयग्णायड्ढियपवरकढिणचक्कलियचावमुक्केहि । बाणेहिं तओ भिण्णा पडंति पायारगयसुहडा ।९१७। संचारिम-गिरिणो विव मयमत्ता गुलुगलितदोघट्टा । पायारं पइ चलिया कयरक्खा तुरय-थट्टेहिं ।९१८ । कोहालय-कुसियाहि महितलम्मि खाइया (?) खणाऊण । वरदंतिदंतपहओ पायारो पडिउमारद्धो ।९१९। सिरिसूरसेणसहियं एयावसरम्मि गयि सण्णाहं । गंधव्यसेणसेण्णं विणिग्गयं नयरमज्झाओ ।९२० । अभिमुहमागच्छतं रणरसियभडोहविहिय हलबोलं । गंगाजलं व जलनिहिजलेण रुद्धं कुमारेण ।९२१॥ हरिणो हरीहिं करिणो करीहि वरसंदणा रहवरेहिं । सुहडेहिं सुहडवग्गा संलग्गा जुज्झिउं ताहे ।९२२ । हय-महिय-सुहय-निवडिय-धयछत्तं भग्ग-रहवरसमहं । गंधव्वसेण-सेण्णं दिसोदिसिं (?) पलायंतं ।९२३। लद्धजयं सत्तुबलं पेल्लितं मग्गओ समण लग्गं । रे धा[व]ह लेह मारह जपत गरुयसद्देण ।९२४। तओ-निरू पयट्टइ समरसंघट्टि-- भज्जति नियबलि सयलि उत्थरंति परबलि अखिण्णइ । पेच्छंति अच्छ र निबहि विज्जुवेगि पहरिसु
___वहंतइ ।९२५। कइवय वरभडपरियरिउ अरिकंदह कोद्दालु । सूरसेणु तं बलु खलइ करकड्ढिय करवाल ।९२६।