Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 330

तइयअवसरे तइय सिक्खावये पुरिसदत्त-करेणुदत्तकहा रम्मत्तणओ जीए, पलोयणत्थं समागया लोया । कोउगनिच्चलनयणा, सुर व्व सग्गाउ ओइण्णा ॥५७१।। पवण-पहोलिर-सिहरग्ग[लग्ग] वरवे जयंतिहत्थेहिं । हक्कारइ व्व धम्मियलोयं जा धम्मकरणट्ठा ।।५७२।।
संपूइऊणवत्थाइणा सुत्तहारा विसज्जिया । समाहुओ नेमित्तिओ । निरूविओ तेण पसत्थवासरो । उवक्खडावियं तम्मि दिणे विउलं असण-पाण-खाइम-साइमं । ठिया सूहासणे साहम्मिया । भोयाविया परमायरेण । निसण्णा दिण्णासणेसू विउलमंडवतले। सम्माणिया ते पुप्फ-फल-तंबोलाइणा । निवेसिओ ताण समक्खं पुरिसदत्त-करेणुदत्तेहि नियय-जेठ्ठपुत्ताण कुडंबभारो । भणिया य तेहिं पुसा--"न अम्हे सावज्ज-घर-कम्माणि कुणंतेहिं पुच्छियव्वा । न या वि अम्हनिमित्तं आहारपागो कायन्वो । पारणगे कुडुबकए चेव उवक्खडावियं अम्हेहि भोत्तव्वं [ति]" भणिऊण सुहिसयण-सहिया महामहूसवेण पविट्ठा पोसहसालं पुरिसदत्त-करेणुदत्ता। धवल-विमला पवड्ढमाणसुह परिणामा, सज्झाथझाण-वावडा, पडिक्कमण-सामाइय-पोसहाइभावाणुट्ठाणपरिपालणपरायणा, चउत्थछट्ठट्ठमाइतब्बोकम्म काऊण पारणगदिणे पारावियपोसह-सामाइया, घरे गंतूण कुडुबट्ठा कयं कय-साहुसंविभागा आहारमाहरेंति । पुणोवि पोसहसालं गंतुण पडिक्कमियगमणा गमणे] धम्मज्झाणरया वासरमइवाहिति । एवं दट्टण ताण कूसलाणठाणं समागच्छंति अणेगे सावया पोसहसालाए । कूणंति भूमिगाणुरूवं धम्माणटठाणं । पज्जुवासिति जइ]जणं । सूर्णति तयंतिए सिद्धतं । भाविति तयत्थं । कुणंति तयणुसारेण धम्मा[णु]ट्ठाणं । तं जहा--- नायागय-फासुय-एसणिज्ज-आहारवत्थ-पाएहि । ओसह-भेसज्जेहिं, सेज्जासंथारएहि वा ॥५७३।। रयह रण-पीढ-फलहिं काल-पत्तेहि कप्पणिज्जेहि। भत्तीए समणसंघ पडिलाभित्ताण जंति दिणा ।।५७४।। अह अण्णया कयाई, पव्व-दिणे पुण्णमासिणि तिहीए। कयसमवाया सव्वे पोसहसालं समणुपत्ता ५७५। कयसावज्ज-निसेहा, इरियावहियं पडिक्कमेऊणं । सुप्पडिलेहिय[सु]पमज्जिय-समुचिय-ठाणम्मि ठाऊण ।५७६। एगे पढंति एगे गुणंति एगे सुणंति उ गणंते । खणभंगुराइ-भावण-विभावणं तह कुणंतेगे ।५७७। अण्णे कड-सामइया, अण्णे पडिपुण्ण-पोसहाभिरया । अण्णे कय-उस्सग्गा लग्गा परलोयमग्गम्मि ।५७८। तरुणा गुणंति वर-पगरणाणि संवेगवुड्ढि जणगाणि। गडगडगडस्स गंभीरमज्झिमसद्देण सम्मिलिया ।५७९। पलियसिर-गलिय-दसणावलि-वलियपिणद्धकंपिर-सरीरा । निदाए ढुलुलिता वुड्ढा ढालिति मणियालि ।५८०। अइघट्रमद्र-निम्मल-मंडबतल-भित्तिभागसकता । नजति इह भवे च्चिय वृद्धा तरुणतणं पत्ता ५८१। नियभूमिगाणुरूवं, सव्वे काऊण धम्मणुढाणं । मंडवत लम्मि मिलिया, वंदो वंदि अह कुणंति ।५८२। गहियासणा निसण्णा, धम्मवियारं करेउमाढत्ता । गीयत्था मज्झत्था, अण्णोण्ण-समागमे मुइया ।५८३। तत्तत्थ-कय-वियारा, देवगुणुक्कित्तणं करेऊण । साहुगुणे वण्णित्ता, भणिया वरदत्त-सड्ढेण ।५८४। अइयारसत्थ-जज्जरिय-चरणपुरिसा निरंकुसा थद्धा । तुरय व्व तुरियचारी वत्थ-सरी रेसु सविभूसा ।५८५। कलहकरा डमरकरा माइल्ला रोसिणो तिदंडिल्ला । साहू संपइ सावय को धम्मोताण को य तवो? ५८६। साविज्जजोगविरमणरूवं पडिवज्जिऊण सामण्णं । पच्छ। विराहयंतस्स नत्थि धम्मो जइ-जणस्स ।५८७। जं सक्कं तं कीरइ, सेसे जयपाए कीरइ पवित्ती । सद्दहणेण विसुद्धो, सावगधम्मो धरइ एकको ५८८। तओ-- रोसारुण-नयण-फुरफुरितओछेण धवल-सड्ढेण । सोऊण इमं वयणं, वरदत्तो पुच्छिओ एवं ।५८९। रे! परलोय परम्मुह ! दुम्मुह ! गुरुकम्म ! साहुपडिणीय ! जइ नत्थि साहुधम्मो, सावय-धम्मो कहं होज्जा।५९०॥ मूलं विणा न डालं, डालेण विणा न हुंति साहाओ । साहं विणा न पुप्फं, पुप्फेण विणा फलं कत्तो।५९१। न विणा निग्गंथेहिं, तित्थं तित्थे [च्चिय] [सा]वया हूंति । जइ नत्थि साहुधम्मो तित्थच्छेओ भवह एवं ।५९२।